Aod Jeugdpreens Thijmen I Leef Zweeloeëre en Zweeloeërinnekes, Mieëne naam es Thijmen I, aod Jeugdpreens vanne Zweeloeëre. Waat waas ut un sjieke tiêd! Ich haaj ut inschrieëfformeleer beej Ilja aafgegaeve in un envellop vol met confetti. Daonao woeërd ich uutgenuuëdigdj vör un auditie en un paar daag later vör de twieëdje kieër. Det haaj ich gedachtj… Toen ich binne kwoom beej Helga woeërd mich gevraogdj of ich Jeugdpreens woeëj waere vanne Zweeloeëre. Vanaaf det memênt stiekum alles geregeldj, foto's maake, speeches schriêve en oefene en nao lang wachte kwoom dan eindelik de uutrooping. Waat waas det spannendj en ut hoeëge woeërd mocht d’r eindelik uut. Waat waas ut sjiek um nao alle recepties te gaon, waat waas oeës eige receptie gaaf, ut jeugdpreensetreffe, ut 5x11 van de Zweeloeëre en de optocht. Vae hebbe vûl gelache en gedansj en saame met mieën Jeugdprinses Iris en mieëne adjudânt Pieter en de hieële jeugdraod de boel fleenk oppe kop gezatte. Gelökkig waas d’r toen nog geîne corona en hebbe vae un normaal sezoen gehadj. Jaomer genogt es ut mer vör ein jaor... Ich weens mieëne opvolger hieël vûl sukses en ich hoeëp dejje d’r net zoeëvûl van geneetj as vae hebbe gedaon, hahahaha.
10 Online Touch Home