Aod Jeugdprinses Iris Leef Zweeloeëre en Zweeloeërinnekes, Waat heb ich genoeëte aafgeloupe vastelaovendj sezoen, vanaaf de allerieërste beejeinkomst tot en met de abdicatie. Wi-j ich gevraogd bin wis ich neet waat mich gebuuërdje, ich vông ut geweldjig um Jeugdpinses te waere vanne Zweeloeëre en saame met de Jeugdpreens Thijmen en mieën adjudânte Danique hebbe vae unne geweldjige tiêd mooge belaeve. Um un paar schoeën memênte toch nog effe te beneume: De uutrooping waas echt geweldjig, ondânks det ich toch waal un bitje zieënuwechtig waas. Mer nao det vae dao stoônge waare di-j zieënuwe wegk en waat waare mieën pap en mam en Sem gruuëts! En neteurlik auch de rest vanne femilie! De afterparty toeës waas d’r auch eine um neet mieër te vergaete. Um effe verder te gaon waas nog un hoeëgtepûnt oeës eige receptie. Waat hebbe vae ut drök gehadj en waat hebbe vae vûl kedoos gekreege, ut waas unne lange mer schoeëne daag. Verder woore alle recepties woeë vae zeen gewaesj auch un hoeëgtepûnt. Ut tillevisie interview beej “dao gaon vae weer” waas auch erreg sjiek. Ich heb gelökkig alle waeke vûl hûllep gehadj van pap en mam. Pap schreef alle speeches zoeëdet ich dao neet aan hoofdje te deenke. De optocht op Luuëke op vastelaovendjzaoterdig waas un geweldjig hoeëgtepûnt. Waat vông ich ut sjiek um boeëve op dae waage te staon ,ondânks det ich toen wat zeek waas. Mer det kos de pret neet drökke! Ich woeëj en zooj boeëve op dae waage staon! Jaomer det vae neet inne groeëte Rogstaekersoptocht mej koste doon umdet ut zoeë haard stormdje helaas... Toen kwoom dan toch dae dieënsdig vanne abdicatie. Naodet vae ieërst nog fleenk gefieësj haaje, môste vae toch oeëze mântel, kruuënke en medalie inlevere helaas. Ich heb dao mênnig träönke motte laote, ich woeëj nog neet det ut vurbeej waas. Ich wil alle Zweeloeëre dan auch bedânke det ich Jeugdprinses mocht zeen. Ich weens mieëne opvolger hieël vûl sukses en plezeer tôw, want ut es unne geweldjig schoeëne tiêd! Ich wil Danique bedânke det ut mieën adjudânte woeëj zeen, ut waas geweldjig. Ich wil mieën pap en mam auch bedânke det mieëne draum waorheid es gewoeëre. Ich haaj dit vör geîn goud wille misse!!!
9 Online Touch Home