Dernei it yn it wetter dûken en dan dy prachtige synchroanbewegings dy mei oertsjûging brocht waren wêrtroch de hiele tinte slop lei fan it laitsjen. Earste plak mei 12 punten. Itens-Midden die in priisútrikking, weroan hiel moai betocht alle bern mei dienen. Se sluten moai of mei it Fryske folksliet. Fjirde plak mei 7 punten. Hinnaard hie it klokhûs as dekôr en songen mei inoar in ferske mei de bellen en klokken. In lekker soadsje wille! Seisde plak mei 5 punten. Itens-West hie ek in aardige syngroanswimme optreden. It is fansels dreech as je nei it súkses optreden fan Rien in selde soarte fan optreden blike te hawwen. Mar de froulju dienen it prima. It wetterspatten wie noch in aardich detail. Tredde plak mei 8 punten. Itens-Oost brochten in optreden mei toulûkers en tsjoendersdrank. It seach der moai út mar it war de sjuery net hielendal dúdlik wat de bedoeling fan it optreden wie. Fiifde plak 6 punten. Lytsewierrum brocht as lêste in eigen ‘Haka” oer mei-inoar stride as optreden. De dielnimmers wienen moai ferklaait en sieten goed yn hun optreden. It wie in flot en moai útfierd gehiel mei in protte te sjen. Twadde plak mei 10 punten. De útslaggen Troch Watse In epyske mannichte mei reinwetter wie net fuortdaliks wêr `t wy oantochten doe ’t wy in kar makken foar it tema fan de doarpsfeesten. Mar it wie prachtich om mei te meitsjen dat nimmen syn goeie sin dertroch bedjerre liet. Krekt gelyk dat it fatastysk wie om te sjen wat jimme allegearre betocht ha om jimme yntocht en presintaasje sa orizjineel mooglik te meitsjen. De medaille winners ha wy útgebreid huldige, mar omdat meidwaan fansels it wichtichste wie, litte wy hjirby ek nochris de folsleine útslach oan jimme sjen. Die útslach is noch wol in dinkje want sawat alle skoreformulieren binne troch it reinwetter folslein trochweakke. Sommigen ha wol in pear dagen lein te drûgjen. It is de lêsberens net te goede kommen dus it is in útslach mei in lyts bytsje foarbehâld. 11
12 Online Touch Home