HAVERBODE 2015AVERBODE 2025 13 13 Boetegewone Bungse Binnezitting 2025 Op zaoterdig 22 fi bberwarie is het zwoàwiet!!!! De Boetegewone Bungse Binnezitting. ‘t Belaof ‘n Boetegewone spectaculaire carnevalsaovend in Bung te were. Tiedens deze Boetegewone unieke “in de graasj editie” zalle diverse artiesten de bühne betreje. Zwoà zal Erwin zörge dat eederein “zoe lekker” los zal goon op zien repertoire. John Tana dae kump neet allein nao zien planten kieke, mèr heer zal natuurlijk ouch ‘n Boetegewoon knallend optraeje geve. Rempetemp ónder andere bekind van hun hit “Vergaet neet te laeve”, zal zörge veur ‘n feestelikke en geveulige sjnaor. Um dizze aovend kompleet te make, zal nemes minder es de “eigenlijke” LVK winnaars van 2024, van Lieshout & Arts hun hits “Ich wooij neet goon” en “Dansmesjien” ten gewhjérre bringe. Ózze hoesdeejay Robin Eygelshoven zal de ganse aovend muzikaal opluustere en zörge dat “in de graasj editie” eine weurt um nwoàts mjé te vergete. Kaartverkoup Veur actuele informatie euver de kaartverkoup kiek op www.havermennekes.nl & ózze Socials. Zörg dat ste d’r bie bès want de Boetegewone Bungse Binnezitting “in de Graasj editie” maogs ste neet misse. Tot 22 fi bberwarie. Alaaf! Tot 22 fi bberwarie! De Commissie BBB Fluite Jantje geit bie oma en opa logeren. Jantje zaet: “Oma, ich mot pisse.” Oma zaet: “Bah wat ‘n vies woord. Zègk mer : “fl uite”. Eve later goon ze sjlaope. Jantje krieg ‘nne nachtmerrie en maog bie oma en opa in bed sjlaope. Jantje zaet: “Opa, ich mot fl uite.” Opa zaet: “Jantje, de kins toch neet zwoà mer midde in de nach fl uite.” Jantje zaet: “Méh ich mot ech!” Opa zaet: “Ach, doog ‘t dan mér hjél sjtillekes in mien hoàr.” Bèrke Keuze ‘nne Man vraog aan zien vrouw: ‘Wat vings dich fi jner: seks of Keersjmès?’ De vrouw zaet: ‘Keersjmès.’ ‘Woàrum?’ vraog de man. Zaet de vrouw: ‘Dat is dèkser.’ Bèrke OPROOP! Beste luuj van Bung. Ich begin mich sjteeds mjé zörg te make euver de vastelaovend in Bung. ‘t Vinge van nuuj raodslede bliek veur de Havermennekes verrekts lestig. Dao bie is d’r op dit momint nog ummer gein lokasie um festiviteite te hauwwe. En wier is d’r nog mer ein kroeg in Bung. Plat gezag dreig ‘t gans sosjaal leve in os dörp nao de kloette te goon. En wat doon veer? V’r laote ‘t gewoon gebäöre. Ondanks alle insjpanninge van de havermennekes en Auwd Prinse Garde. Daorum van miene kant ‘nne dringende oproop aan uch. Laot ‘t neet gebäöre en twoàn uch betrokkenheid bie ós dörp. Ich hoop dat ‘t uch eveväöl aan uch prie geit es mich. Veer sjtoon op ‘n kruispunt wat saamhwjèrrigheid betröf. ‘t Is nog zjus gein vief veur twelf. Ich reken op uch es Bungenaere! Bert Ummels Veurmalig Veurzitter en Jérrelid van de Havermennekes Bung Hondepension Verboewing Maison Therese Oet hjél onbetroewbaar bron höbbe veer vernómme dat Egon en Mariëlle Voncken, eigenere van Maison Therese aan de Kastanjelaan in Bung, veurnummes zeen de zaak te goon verboewe. Aan de kant van de Prunislaan zouw nog anderhauwve maeter weure oetgeboewd. En d’r zou ouch nog ‘n verdeping bove op kómme. Aanleiding van dit alles is ut aantal klachte dat is binnegekómme. Nei, neet euver de service en de kwaliteit van de kleijer, dao is niks op aan te merreke. Meh ‘t zouw zwoà vol sjtoon in de winkel dat de luuj neet mèt ‘nne rollator tösje de rèkke kinne doorloupe. ‘t Is zwoà vol dat d’r gein euverzich mjé is. Egon zouw zellefs zien eige vrouw al drie kjér tösje de BH’s en de pliseerök ‘t óndersjtebove höbbe geloupe. In de winkel zou zellefs ‘n lif kómme. De planne zeen d’r geweldig oet. De klante, die van heinde (woà ligk dat?) en verre kómme zalle versjtéld sjtoon. Ouch kump d’r ‘n nuut logo en slogan. ‘t Logo blief nog eve geheim. De slogan is bekind en sjprik veur zich: In Bung bie Maison Therese Dao mos te zeen gewaes! Veer zeen de oetnwjéddiging veur de her-eupening mèt belangsjtèlling tegemoot. Bert Ummels Veurmalig Veurzitter en Jérrelid van de Havermennekes Bung Eedere Bungenaer wèt óndertösje waal woà ‘t Zunneke in Bung is. De lokasie in de Vleegesjtraot is “al um“ bekind. ‘t Zunneke welt gebruuk goon make van die bekindheid en is veurnummes ‘n eige hondepension te goon opene. De vergunning veur ‘n passend boewwerrik is al aangevraog bie de gemeinte. In ‘t gans oet hout opgetrokke geboew dat passend in ‘t landsjap neet grwoàtter weurt es 32 m2 weurt kinne per daag maximaal 12 hun were opgevange. Luuj kinne hunne veervooter ‘s mörges tösje hawf ach hunne hond bringe en motte dae veur uterlik zeve oor ‘s aovends weer ophole. De koste bedrage € 17,50 per daag inclusief voor. ‘t Geit dus ech um daagopname. ‘t Zunneke is nog op zeuk nao ‘nne deskundige beheerder dae affi niteit haet mèt hun. De cliënte van ‘t Zunneke vinge ut prachtig. Nao ‘n pries vraog onder de cliënte is d’r ‘nne originele naam oet gekómme. De winnende naam is……’t Hunneke Toepasselik toch? Dus höb geer interesse dan kin geer uch persoonlik goon melde bie ‘t Zunneke. Bèrke
14 Online Touch Home