HAVERBODE 2015AVERBODE 2025 15 15 Hoftempel 2025 Kaffee “Regina” Vanaaf ‘t sezoen 2023-2024 is kaff ee “Regina” ózze hoftempel van CV De Havermennekes en zal dit veurluipig ouch blieve. Dat beteikent dat veer, zwoàväöl wie mäögelik, bie alle aktiviteite, zwoà wie bezeukskes aan zustervereiniginge, vertrèkke vanoet kaff ee “Regina” op ut Agnesplein. En netuurlik zeen v’r tiedens de Vastelaovend ouch gereigeld in dees lokatie aanwezig. De ingebruukname van d’n Hoftempel haet plaatsgevónge op zaoterdig 23 november 2024, d’n daag veur ‘t oetrope van ós nuuj Prinsepaar dat euver ‘t seizoen 2042-2025 euver Bung zal goon regere, Prins Tim de jérste en zien leeftallige Prinses Dimphy. D’n Hoftempel is altied te herkinne aan ‘t prachtig verleech bord mèt logo van CV de Havermennekes dat bove de café hingk. Zwoà-es bekind höbbe veer ouch ‘n prachtig bord woà veer mèt de fj ésdaag zelfs ‘n aangepas dook mèt teks in plaatse. Veer weite zeker dat veer same mèt ós nuuj prinsepaar niks te kort zalle kómme bie Stephan en Sabine en dat veer ouch dit seizoen ‘nne geweldige Hoftempel zalle höbbe. De Havermennekes Bung Maersjtraot Bung De Gemeinte Meersje haet aangegeve dat ‘t gebied aan de Maersjtraot in Bung mesjiens gesjik is veur woningboew. De umwonende zeen dao neet zwoà blie mèt. Want wie zit ut mèt de euverlas van ‘t water? In 2021 is d’r genóg ellende gewaes. Nao oetveurig euverlègk haet de gemeinte besjlote op dees lokasie neet te goon boewe. D’r is noe ‘n nuut en good alternatief geprizzenteerd. D’r weurt zwoà ‘n 200 bie 100 veerkante maeter 6 maeter deep oet gegrave. Hie door óntsjteit d’r ruimte veer zwoà ‘n 25. woonboote. D’r is grwoàtte belangsjtèlling veur dit plan ouch de Veerkampjes höbbe interesse meh luuj van Bung goon uiteraard veur. Höb geer interesse dan kint geer uch wende tot projek ontwikkelaer De Haven in Weert. Gesjreve door ózze nestor Bèrke Slangen Creations Bunde Zwoà wie meinigein al wet haet lid van de raod van èllef Johan Sjlange jaore langk opgetroje es de héllèf van ‘t duo Vol Drin. De leedsjes woorte bie häöm thoes in ziene eige studio opgenómme. In deze studio zin ouch leedsjes wie onder andere “De loch in met die hennekes, Miljaar en Mien Bung opgenómme. Door de jaore heer vónge sjteeds mjé artieste de weeg nao de studio van Johan in de Berkelaan. Gaande weeg realiseerde Johan zich dat de studio eigelik get klein waor gewore. Dao bie haet de techniek de lètste jaore ‘n vluch genómme. Um de beste kwaliteit te kinne blieve levere mos heer goon investere. En dat haet heer gedoon. Meh neet veurdat de studio waor verboewd. Ouch qua vloeroppervlak zin d’r ‘n aantal veerkante meters biegekómme. De opname apparatuur is aangepas aan de eise van deze tied. Johan beschik noe euver ‘t beste wat te kriege is um zien klante van opnames van top kwaliteit te kinne veurzeen. Ziene naam is häöm veur oet gesjnèld en mjérdere bekinde muzikante zeen al in onderhandeling um opnames bie häöm te goon doon. Name die veer vernómme höbbe zeen onder andere Piet Beerman van de Kets, Ronnie Oktober, Freddy Drek, Konnie van de Nos en Mireille en Mathieu. Dat belaof jel get. En..... mesjiens weurt d’r nog waal ‘n nuut Vastelaovend leedsje veur de Havermennekes opgenómme. Heer haet ouch al ‘nne naam veur ziene vernuujde studio: Slangen Creations Bunde. Allein dat al klink geweldig, toch? D’r kump uch nog ‘nne ope daag. Hauwt hieveur de lokale daagblaajer in de gate. Johan winsje veer in eeder geval hjél väöl succes toe. Meh wie veer häöm kinnen geit dat zeker lökke. r r r Van ózze ripporter r LOKASIE De waor väöl te doon euver ’n lokasie, ‘t Waor echt ‘n bewerkelijke consternatie Neet gek mèt zwoà ‘n grwoàtte populatie En mjé es ein carnavals manifestatie Jaomergenóg waor d’r ech stagnatie De MFC vertraging bleek gein simulatie De Provincie bleek ‘n traag relatie Dus nog langer wachte op de donatie Ondanks ‘n aangegeve indicatie En ‘n onderboewde calculatie En bie hjél väöl luuj ouch nog irritatie Desondanks hoop Bung op realisatie Want dan is d’r pas ech ‘n revelatie En veult Bung zich weer ein natie
16 Online Touch Home