HAVERBODE 2015AVERBODE 2025 3 3 Ós nuuj Prinsepaar 2025 Hé hé, hie zeen veer dan: Prins Tim I en Prinses Dimphy Prins Tim is gebore op 26 juli 1994 in de Meidoornlaan in Bung en verhuusde op 8 jaorige laeftied mét zien auwersj en breurke nao de Bellefleursjtraot. Nao zien tied op het Stella Maris College in Meersje is Tim de opleiding Bedrijfseconomie goon volgen aan Zuyd Hogeschool. Neet lang nao zien aafstudere ging Tim samen wonen mèt Dimphy op het St. Agnesplein en later op de Papeweeg, wah zie noe nog sjteeds wone same mét hun döchterke Niene van 2 jaor. Prins Tim is 30 jaor en wèrk in het dagelijks leve es Business Controller bie de Gemeinte Kèrkraoj. Heer voetbalt sinds zien 6e bie VV Bung en sjpaelt noe es aanvaller op ‘t twjédde team van VV Bung en drink nao de trainingen en wedstrijden gaer ein pilske mét zien team. Nao ein aantal jaore bestuurslid te zeen gewaes van de Hermenie, is heer noe secretaris van ’t Steuncomité van de Hermenie. Prins Tim is gek op voetbal, kiek ’t leefs alle wedstrijden op TV en bezeuk gaer de thoeswedstrijde van ‘zien club’ Roda JC. Daoneve geneet heer van het bourgondische leven en kins te ‘m neet bliejer make dan mèt lekkere beerkes, good en veural väöl ete en gezelligheid mét vrun en femilie. Prinses Dimphy is gebore op 31 oktober 1993 en is opgegreujd op de Leenhof in Bung samen mét heur auwersj en auwere broor. Nao heur tied op ’t Stella Maris College is zie drie jaor in Eindhoven goon wone en volgde dao de studie Human Resources Management aan Fontys Hogeschool. In de weekenden en op maondig kaom zie altied trök nao Bung veur familie, vrun, fjèskes, femilie, de hermenie en natuurlijk Tim. Prinses Dimphy is 31 joar en wèrk es Adviseur Personeel & Organisatie bie Zuyderland. Zie is lid van Tennis & Padelclub Bung en volgt regelmatig de les ‘floatfit’ in het Geusseltbad. Daoneve is zie bestuurslid van Harmonie & Drumband St. Agnes. Heur Opa (Prins Lei II 1974) en pap (Prins Jack I 1989) ginge heur al veur en höbbe ’t carnevals blood doorgegeve in de femilie. mèt in de carnevalsoptoch in Bung. Same zeen veer ouch lid van Spaarclub de Telstar van Café Regina. In 2020 höbbe veer al eine aovend kinne oefene es Prinsepaar van de Telstar en noe zeen veer klaor veur ’t echte werk. Nao bienao 7 maond lang wachte, aaftèlle en zjwiege zeen veer ontzettend blei dat het noe éch geit beginne. Same mèt alle carnavalsvierders van Bung zeen veer klaor um van Carneval 2025 ein onvergetelijk seizoen te make. Bung Alaaf! Prins Tim I en Prinses Dimphy CV de Havermennekes Veer kinne os al sinds de Basissjwoàl, wah veer bie ein in de klas zaote, en dit jaor zeen veer 11 jaor same. Same genete veer van leuke dinger doon mèt Niene, lekkere hepkes & drenkskes, theater bezeukskes en zeen veer er gaer bie wanjé er in Bung get gezelligs te doon is. Allebei zeen veer 23 jaor lid en muzikant van Hermenie & Drumband St. Agnes Bung. Neve same muziek make, zètte veer os same ouch actief in veur diverse commissies en zeen veer altied in veur ein leuke activiteit of ein gezellig fjéske. Mèt deze leuke groep loupe veer ouch eeder joar Prins Oetroping 24-11-2024 Foto’s: Havermennekes
4 Online Touch Home