6 6 HAVERBODE 2015AVERBODE 2025 Don Pedro Ózze Bungse Makelaer PIET STOHR geit ‘t in dizze ónrustige hoezermèrt redelik veur de wind. Op Funda, Jaap en Feesboek kaome veer ziene naam gereigeld tege. Ouch op verkoup borde in ut dörp is PIET hjél diks te zeen. Noe haet PIET besjlote neet allein in Bung, mer ouch dao boete, jao zellefs boete Nederland te goon aktere. Heer geit ‘n fi liaal opene in Sjpanje. Um sjus te zeen, aan de Costa Brava in ‘t pittoreske plaetske Tossa de Mar. Allein, Pieterman kint dao gein reklaam make onder de naam PIET STOHR, want dat zaet die Sjpanjaarde hjéllemaol niks. Nao ‘n oetgebreid ónderzeuk van ‘n Sjpaans reklameburo is besjlote de naam DON PEDRO INMOBILARIA RESIDENCIAL te goon gebruke. Ech Sjpaans en ‘t bek lekker! Umtot heer ouch vanoet zien geleefde Bung blief wèrke heat heer veur zien kentwoàr in Tossa un hjél charmante Sjpaanse mènnezjer aangenome, de leeftallige VALENTINA. Sjtèrk, gezoond en dees dame kint de mèrt aan de costa op heur duumpke. PIET en VALENTINA goon neet allein zaken doon in dikke besjtaonde hoezer meh ouch in peperdeure nuujboew. Hie onder al tjwè fotoos es veurbeeld. Dus höb geer genóg duite en zeuk geer ‘n leuk optrèkske in Sjpanje? Neet lang helle DON PEDRO of VALENTINA belle. Veer winsje die tjwé väöl sukses!!! Gesjreve door ózze ripporter Bèrke Wilhelminalaan In 2025 geit ut dan toch eindelik gebäöre. De NS geit geluidswerende wande plaatse langs de weeg van de Wilhelminalaan. He he eindelik! Havermenneke en bewoner van dees sjtraot Armand Nijsten is van meining dat die wande d’r waal get fatsoenlijker mótte oet zeen. Heer mót d’r tensjlotte tege aan kieke. Daorum haet heer aan de NS gevraog of heer dees wande maog besjildere. Nao ‘t inlevere van ‘n sjilderie haet heer toesjtumming gekrege. Zwoà Kump d’r um de vief maeter ‘n aafb eelding van respektievelik Marlin Monroe, Brigitte Bardot en Pamela Anderson. D’r is nog ruimte veur eine persoon. Armand zouw ‘t leuk vinge es dit ouch eemes oet ós eige Bung zouw zeen. Höb geer interesse sjik dan ‘nne foto met uche naam en adresje aan de redactie. Armand zal dan binne eine wèrrikdaag kóntak mèt uch opnumme. Opmerking: allein inzendinge vanaaf 75 C make kans! Gesjreve door ózze ripporter Bèrke Bungse Vastelaoves Vlag! KNIEN ‘nne Man is tege ‘nne boum gereje. D’r sjteit ‘nne pliesie agent bie. De pliesie agent: “Woàrum zeet geer tege ‘nne boum gereje.?” De man: “D’r rende ‘nne knien op de weeg!” De pliesie agent: Dan ried ste häöm toch gewoon ’t óndersjtebove?”De man: “Jao, dat wouw ich ouch doon, allein toen sprong heer achter de boum” CV de Havermennekes, haet op Zaoterdig 4 jannewarie, in rege, wind en poolko in rege wind en poolkouw ‘t gans , ‘t gans dörp weer geseerd. Alle vlègskes en borde hange weer en Bung is weer klaor um in kleur op waeg nao de Vastelaovend te gaon! Help g’r ós weer allemaol mèt? Zeker in dit sezoen, umdat v’r zwoà veul oetgave höbbe, kint g’r ‘os extra sjteune door ózze nuuje vlag te koupe en op te hange, Gaot g’r ouch de vlag oethange en seere? De nuuje vlag is te koup via : secretariaat@havermennekes.nl veur € 17,50 ; formaat 1.50m bie 1m.
7 Online Touch Home