Nijs fan Harmonie Weidum It is healwei oktober wannear’t wy tinke der ferstannich oan te dwaan en lis ús muzykferiening, útsein de 1 op 1 lessen, hielendal plat. Begjin novimber feroaret dizze frijwillige mini-lockdown en slút it Weidumer doarpshûs troch de koroanamaatregels opnij tydlik har doarren. Tinke yn oplossings, dat besykje wy dit jier te dwaan. Gie dat fan ’t maitiid online, rûlearren de leden fan ’t hjerst om mar net mei tefolle minsken by elkoar te wêzen, yntusken binne wy mei in folslein nij projekt start: Close up – Lockdown, portret fan in muzykferiening yn koroanatiid. It trajekt fan dit projekt hâldt yn dat wy in dokumintêre meitsje sille, in dokumint fan hoop. Ferskate lytsere aktiviteiten falle ek ûnder dit projekt. Krystnacht-stream Wy sjogge graach foarút en hawwe dan ek in bysûnder Krystbarren op ‘e rol stean. Yn gearwurking mei dûmny Hinne Wagenaar is der Krystjûn in livestream te sjen en te hearren mei muzyk en in bysûnder Krystferhaal. De link nei dizze stream is 24 desimber te finen op ús website en social media kanalen; graach oant sjen! Falentyn De leafde ferklearje? In hert ûnder de riem stekke? Witte litte datst oan immen tinkst? Snein 14 febrewaris bringe wy (coronaproof) dyn leaf in muzikale oade! Wat moast dêr foar dwaan? MANDEGUOD 25
28 Online Touch Home