WietWetterKlub (W.W.K.) Mantgum e.o. It grutseil is strutsen……. Dit is een siswize dy’t je útlizze kinne as: Wat west hat, hat west, it is dien. Sa is it ek mei it ferstjerren fan Peter de Koe. Jierren lang (sa’n 15 jier) leit mei de feestdagen, oan ‘e ein fan it jier in ferljochte skûtsje yn de haven by de Wjukken. De Wietwetterklub fersoarget dit mei in protte wille foar it doarp al dizze jierren. Wat in soad minsken net witte, is dat we hjir altiten in skûtsje fan Peter de Koe foar brûke meie. Sa ek dit jier wer, wie de bedoeling. De kontaktpersoanen, sa as elk jier, wie tasein dat it wer heve koe en dat we healwei novimber it skûtsje wer út Sleat weihelje koenen en nei Mantgum ta farre koenen. Us foarsitter naam de moandeis kontakt op om ôf te praten op hokker dei we dit dwaan koenen as it kreas waar wêze soe. Der waard net opnaam, dat de voicemail waard ynsprutsen. Nei’t efterôf bliken die, wie Peter doe al ferstoarn. We tinke as WWK mei waarme gefoelens werom oan de tiid dat we Peter kenne mochten en dit alle jierren wer mei him regelje koenen foar ús doarp. Nea wer meiinoar de mêst omheech draaije of de noflike petearen hawwe. De humor en de orizjinaliteit fan dizze markante man sille we misse. Syn lûde stim en laits sil nea wer oer it wetter te hearren wêze. Foar syn neisten en famylje is it ferlies op dizze ûnferwachte wize swier te dragen de kommende tiid. Wy winskje harren in protte sterkte om dit ferwurkje te kinnen. As WWK bliuwe de oantinkens oan Peter libjen by it sjen fan skûtsjes en binammen as dy ek noch ferljochte binne. Op sneon 14 novimber hawwe wy yn Sleat manmachtich ôfskie fan him nimme kind op syn lêste reis mei syn skûtsje “De Hoop op Zegen”. Het zeil is gestreken…….. Dit is een uitdrukking die zegt: Het is klaar en over. Zo is het ook met het overlijden van Peter de Koe. Jarenlang (ongeveer 15 jaar) ligt met de feestdagen aan het eind van het jaar een verlicht skûtsje in de haven bij de Wjukken. De Wietwetterklub verzorgt dit met veel plezier voor het dorp, gedurende al deze MANDEGUOD 45
48 Online Touch Home