januari 2021 43 Parseberjocht Provinsje Fryslân Passearjende sneltrein nij foar Mantgum en Bûtenpost Fan 14 desimber ôf rydt der elk oere in ekstra sneltrein tusken Ljouwert en Grins. Ek rydt der tusken Ljouwert en Snits yn de spits elk oere in ekstra trein. Dit soarget derfoar dat net alle treinen mear stopje yn Mantgum en Bûtenpost. Guon treinen passeare de oergongen en perrons yn dizze doarpen mei hege snelheid. Yn Mantgum en Bûtenpost stopje op dit stuit alle treinen. De treinen yn de buert fan dizze oergongen ride meastal stadich. Aanst ride guon treinen dizze oergongen en perrons mei hegere snelheid foarby. Dêrom is it wichtich om ferkearsdielnimmers der ekstra op te wizen om nea in sletten spoarwei oer te stekken. Om dêr op ta te sjen fiere BOA’s fan ProRail ekstra kontrôles út by oergongen. ProRail stjoert ek foarljochtingspakketten nei de skoallen en doarpsbelangen binne ynformearre. “Als er in het verkeer een nieuwe situatie ontstaat, zoals nu bij een aantal stations en overwegen het geval is, kan het nodig zijn extra alert te zijn. We kunnen niet scherp genoeg zijn. Heel goed dat ProRail hier zo uitgebreid op wijst’’, seit deputearre Avine Fokkens-Kelder. Regiodirekteur Dorothé Wennekendonk foeget hjiroan ta: ‘’Overwegen op de trajecten waar meer treinen gaan rijden zijn allemaal opnieuw door ProRail bekeken en voldoen aan strenge eisen. Als wegverkeer zich houdt aan de regels en veilig gedrag vertoont is ook met meer en sneller treinverkeer de veiligheid maximaal gewaarborgd.” Nije tsjinstregeling De ynset fan de ekstra sneltrein tusken Ljouwert en Grins en de ekstra sneltrein tusken Ljouwert en Snits yn de spits binne ûnderdiel fan de nije treinkonsesje. Dizze nije treinkonsesje start op snein 13 desimber. Fan de moandei dêrnei ôf ride de ekstra treinen.
44 Online Touch Home