Fanôf dat ik in jier as 12 wie krige ik op Sinteklaas jierrenlang faak de boeken fan ‘Het aanzien van’ en dan folge troch in jiertal. It wie in oersjoch fan wat der yn dat jier bard wie benammen yn Nederlân, mar ek wol yn it bûtelân. Op in gegeven moment wie myn ynteresse yn dy boeken fuort, ik fermoed dat ik jonges, bier en feestjes wichtiger begûn te finen dan it nijs. Toch is myn ynteresse yn it nijs altyd bleaun, mar echt fleurich wurde je der momenteel net fan. It is ien en al oarloch dy’t hieltyd tichterby komt, minsken mei gekke ideeën as minister, tekoart oan wenningen wat syn ynfloed hat op de âlde en benammen jonge generaasje, boadskippen dy’t djoer binne, en dan ha ik it noch net iens oer die kloat yn Amerika dy’t de hiele wrâld nei syn hân sette wol. Gelokkich bart der ek genôch posityf en goed nijs. Hieltyd mear syktes binne te ferhelpen, it liket der op dat Europa toch in sterk front foarmje wol tsjin allegear idoaten fan bûten en it skynt dat we oer de hiele wrâld toch steeds wat gelokkiger wurde. Allegear grutte trends wer’t wy net gelyk ynfloed op ha, mar dy’t we wol merke. Mar gelokkich binne der ek genôch lokale ûntwikkelings. Sa komme der apparteminten yn de âlde buorkerij fan Peter en Eef oan de Dokter Fokkewei, wurdt der hurd wurke oan it ferduorsumjen fan de Wjukken (de gasbrâner is by de Poiesz te hearen) en is de earste fase fan it fernijen fan de riolearing oan de Seerp van Galemawei starten. Jo lêze der alles oer yn dit nûmer fan Mandeguod. Op nei it foarjier! Ut namme fan de redaksje, Maaike Kuipers Mandeguod april 2025 | 3 Prakkesaasjes fan de redaksje
4 Online Touch Home