Ljeppe Yn myn fotoalbum sit altyd noch in moai fotootsje fan 6 ljeppende Mantgumer bern. Mei de bleate fuotten yn de drek, en in part fan de famkes mei de rok by de ûnderbroek yntroppe – sa rûnst minder kâns dat de rok troch it wetter sleepte. Op de foto flnr: Geartsje Bijlsma, Akke Bijlsma, Klaske Jongbloed, Janneke Albertsma, Lys de Jong, Gerard Jellema It fotootsje is nommen troch Anneke, de dochter fan Gjalt en Johanna Huizinga. Sy wennen op it pleatske dat allang ôfbrutsen is, it stie ûngefear op it plak dêr’t no it hûs fan Peter en Marina Dolstra stiet. Dat pleatske is foar in part noch te sjen op de foto, en yn de fiere achtergrûn kinst it stasjonsgebou noch sjen. It sleatsje wie likernôch op it plak wêr’t no it skoalplein leit. It moat maart-april 1959 west ha dat wy dêr ljepten. It wie deun by it wenhûs fan de measte bern dy’t op de foto steane: Geartsje, har ien jier âldere 38 | Mandeguod april 2025 suske Akke en Klaske wennen yn ien fan de Fearhûshoeke-wenten dy’t mei de rêgen tsjin inoar oan boud wiene, Janneke wenne yn de krudenierswinkel (it âlde Fearhûs, wêr’t no Ymie Kroon wennet), ik wenne bûten de buorren op Skillaerd en Gerard groeide op yn it kafee. It wie in hearlike tiid, sa maaitiids oer al dy lytse rotsleatsjes ljeppe – en je rekken der meastal wol in kear yn. No problem, dan moasten we nei hûs om drûge klean op te heljen. En de deal wie dat we dan nei de tiid de smoarge modderklean yn de
39 Online Touch Home