De Lytse PC fan Mantgum sneon 9 septimber Dit jier organisearje wy as keatsferiening Jacob Klaver alwer foar de 73-ste kear de Lytse-PC. In prachtige keatspartij dy’t al sûnt 1947 yn Mantgum ferkeatst wurdt. It is dan ek in keatspartij mei in lange skiednis. En ek in partij mei in soad moaie ferhalen: Wy lêze bygelyks út in anekdoate fan in âld-dielnimmer dat de keatspartij fan 1972 troch tefolle rein ôfsein waard troch de skiedsrjochter, mar dat der doe’t it in oere letter drûch wie mei in oantal keatsers minder (dy’t al nei hûs wiene) dochs keatst waard. De oanwêzigen stimden yn oerlis mei de skiedsrjochter yn mei in oare partijfariant en lizze elk in ryksdaalder yn. De skieds keapet de prizen en rikt dy ek út nei de finale. De offisjele Lytse PC fynt in wike letter likegoed noch plak. Dat wiene nochris tiden. Kinst wol sizze: dat wie fêst in memorabele keatsdei! Dit jier stiet der opnij in frije formaasje edysje op it programma, dizze kear op in sneon. Wy ferwachtsje lykas ferline jier ek in soad earsteklas partoeren, gelegenheidspartoeren fan âld-keatsers en grif ek guon pleatslike toppers. Wy nûgje alle keatsleafhawwers dan ek fan herte út op it Mantgumer sportfjild. Ferlotting Lytse PC De organisaasje fan dizze partij wurdt alle jieren mei mooglik makke troch in soad frijwilligers, sponsoren en stipers út it doarp. Wy komme ek dit jier by de doarren del om ús ferlotting ûnder de oandacht te bringen. DOCH MEI EN MEITSJE KÂNS! HÂLD ÚS SOSJALS YN ’E GATEN FOAR ALLE PRIZEN! Bestjoer Jacob Klaver Opbrengst MS collecte De MS collecte van 2023 heeft in Mantgum € 717,46 opgeleverd. Dat is een prachtig resultaat. Iedereen bedankt voor zijn bijdrage. Namens het MS fonds, Esther Langedijk Mandeguod September 2023 | 11
12 Online Touch Home