Alle útslaggen fan de twadde omloop: Grins Winsum Tsjom Lollum Nijewier Dronryp I 5-2 6-6 5-5 6-6 Makkum 0-5 0-6 Boalsert 5-5 6-6 De earste heale finale wie dy tusken Dronryp en Grins. Dronryp like nei in drege twadde omloop wat better foar de dei te kommen en naam in fjouwer om ‘e twa foarsprong. Grins kaam dochs werom yn de wedstriid, op 5-4 en 6-6 wie it in foarbal fan Dronryp dy’t der foar soarge dat Grins wer alle kâns hie op it finaleplakje dêr’t se om striden. En dy kâns grepen se mei beide hannen oan, want yn it lêste earst krigen se fan Dronryp in oantal punten cadeau. De wyn helle aardich oan en dat resultearre yn in oantal bûtenslaggen oan de kant fan Dronryp. Grins hold de ballen der wol foar en op 5-5 een 6-4 koe Dronryp de keats net foarby en wie it Grins dy’t in plakje yn de finale bemachtige. De oare heale finale gie tusken Makkum en Boalsert. De Makkumers hienen oant de heale finale noch gjin earst tsjinkrigen en setten ek de wedstriid tsjin Boalsert mei faasje út ein. Trochdat sy wat mear grip op ‘e wyn hienen koenen sy frij flot harren plakje yn ‘e finale feilichstelle. Utslaggen heale finale Grins Makkum Boalsert Dronryp 1 5-5 6-4 5-1 6-0 De finale gie dus tusken Grins en Makkum. Twa partoeren dy’t yn it foar ek al tipt wiene as mooglike kânshawwers. Benammen it partoer fan Makkum wie goed op slach en hie oant de finale ek sjen litten dat prolongaasje fan de titel in goede mooglikheid wie. De útslach fan de finale, 5-0 6-6 seit in soad oer it ferrin fan de wedstriid. Makkum wie te goed foar Grins en waard de terjochte winner fan de 21e Jong Famme Partij. Skelte Anema Mandeguod september 2024 | 43
44 Online Touch Home