De trowfeeëste in Gieëriegem E joenk koppeltje da binn kort gienk trown Wilde veele voak up ’t feeëste, mo z’ adn gin geld Nateurlik wildn ze vo nieëmand oenderdoeën En z’ adn de zaale ol van verleedn joare besteld. De bruudegom wos slim en vroeg an olleman Je zie wel ekom, mo briengt e poar flesjn wien mee vo kadoo Me goan dat ollemaale toope gietn in eeën grooët vat En ’t go beetr smaakn dan ‘t beste wientsje van Bordeaux! Mo Guustn die vrek vulde ze flesjchn up van de regenpit ’t Goat da nieëmand proevn bie ol die ander wien ’t Go nie opvoln, ’t go gin rozee komn en zekerlik nie wit ’t Is gin azien en ‘t voak go minder droenke zien. ‘t Vat leeg esjchept in gloazn, ‘k weetn nie oe grooët Ze giengn roend. An drank ... zeekr gin gebrek Mor iedereen versjchoot nem biekans dooëd Want ol de mensjchn an ’t zèèfst e doan lik Guustn de vrek. In de wiengloazn wos het zuuverste en ’t kloarste woater En iedereeën bewèèrde dat die wien toch zo verukkelik was Da ’s normaal, Want iedereeën peisde dat deur nem kwam Dat er sjchooën kloar woater wos in da kriestaln glas. Mo ’t wos zeekr, ’t wos de sjchuld van iedereeën Ze droenkn heel ’t vat leeg en z’ adn gin koater! En toch wos’t leutieg en z’ en gedaanst gelik gin eeën En niemand et er loatr e wooërd e zeid van da verukkelik woater. © - Dirk Pauwels Een origineel geschenkje? Mijn bundel in het Veurns dialect: Pooweezie met e kleeëne “p” in “cahier“-vorm zoals de vorige uitgaven ... …/… “ Pooweezie met e kleeëne “p” is de vierde dichtbundel van Dirk Pauwels. Het bevat vooral veel luchtige poëzie en weerom spitse humor, woordspelingen en doordenkertjes. Hij bewandelt ook de romantische toer met werkjes als: De Reegn, ’n Ieslandvoarder, De Vrieëzeman en hij zwicht geen thema’s van oorlog en dood. In deze bundel zijn ook heel wat meesterwerken van bekende zangers “ vertaald “ naar ons unieke dialect. Kortom, vijftig pagina’s die je een zalige glimlach en een nostalgische herinnering bezorgen. Te koop voor 10 euro, te betalen op rekeningnummer BE 77 9791 7105 3542, met vermelding van je adres voor de thuisbezorging. Bedankt voor je bestelling © fotocompositie - Sofie Van Biervliet © trouwfoto - FreePik - diller 13
14 Online Touch Home