HAVERBODE 2015AVERBODE 2021 11 11 Andersj........ De elfde van de elfde Waor dit jaor neet ut zelfde Gein doezende luuj op ‘n plein en in d’n trein Springend en zingend, jong en auwd, grwoàt en klein Gein bomvol kroege nei alles is toe Sommige vraoge zich aaf “en wat noe” Ouch de pekskes blieve dit jaor woà ze zeen ‘N väöl gewhjérde kreet is, leef luuj, “hauw pin” Ut zunneke sjeen ut waor sjtraolend waer Dat maakde ‘t nog erger, ich zegk ‘t neet gaer Meh es ich dit bin aon ‘t sjrieve Wel ich toch gaere positief blieve De elfde van de elfde kump volgend jaor trök En hopelik höbbe veer in 2021 dan get mjé gelök “T is neet väöl meh trwoàs uch met die gedachte En hopelik deit dat toch ‘n bitteke de pien verzachte Luxueuze apparteminte ‘nne grwoàtte projek ontwikkelaer haet ‘t geweldige veurnumme um aan de kenaal in Bung ‘n twintigtal luxueuze apparteminte te goon boewe. “T were geweldige apparteminte op ‘n unieke lokasie. Op veurhand is de belangsjtèlling al erg grwoàt. Op die lokasie höbs te natuurlik un schitterend oetzich euver de Maas, Voelwammes, de Kenaal en de Bwoàndert. Ze weure veurzeen van de modernste snufj es. Zonnepanele, airco, keuke met kookeiland. D’r um heer kump un park met parkeergelegenheid. Ze zouwe waal aan de priezige kant weure. Moch geer mjé inlichtingen wille dan kint geer kontak opnumme met prins Stefan Stijns. Heer krieg de apparteminte sjtrak namelik in zien portefeuille. De oplevering sjteit gepland veur november 2021, es tenminste gein hwoàg water is. Veer zeen sjus wiet geer hjél erg benuut...... De redaksie Weitenswaordighede…… (1) De Reijnder Raadslid René van de Reijnder haet medio december ‘nne nuuje knee gekrege. De raod hauw um häöm ’n hart onder de reem te steke, veur häöm ’n pleetsje aangevraog bie Meer Vandaag. “We are all wounded at Wounded Knee”. Winnetoe Reijndersj kós ut waal waardere met ’n welgemeind “Oef”. Vleegesjtraot Bie d’n ingang van de Vleegesjtraot sjtoon nog neet zwoà lang nuuj borde woà met koojeletters 30 op sjteit. Sommige (Belsje) meine dat dit beteikend dat d’r mer dertig auto’s in maoge?! D’r weurt dus nog immer fl ink geknald in de Vleegesjtraot. Oet onbetroewbaar bron höbbe v’r vernómme dat veurmalig wèthauwwer Remco Vertomme noe pos geit vatte met ‘nne lasergun um de maximale snelheid van 30 kilometer per oor te handhave. Dus let op want heer knalt uch zwoà van de brommer aaf. Reizende Reporter Bèrke Veer krege de vraog um op pepier te zette wie veer in de loup van de jaore carneval in Bung ervare. Dat liek un gemekkelikke opdraag mer dat is bes lestig es ste daoveur geis zitte. De maks in al die jaore zwoà väöl met dat veer neet alles kinne opsjrieve. Veer zin eeder joar weer blei dat veer un sjteineke kinne biedrage aan alle aktiviteite rond de carnaval en veer werreke eeder jaor ouch prettig same met alle vereiniginge. In ut verleije waor ut veur de Bungse carnevalsvierder ‘n ganse oetdaging um ‘n rundsje te make langs alle cafés. Grwoàtte en kleine groepe verkleide zich soms een aantal kjér per daag. Wie later op d’n aovend, wie langer de polonaise. Ut sezoen begint netuurlik al in november met ut oetrope van de prins of prinsepaar. Mer in de zomer begint ut sjpeculere en weure de weddesjappe aafgesjlote. D’r is natuurlik mer 1 plaats um de weddesjappe te beware en dat is achter ut buff et in de kas. Met ut bekind weure van de prins of ut prinsepaar däört ut te lang um de envelöpkes ope te make en te kieke wei de meiste pilskes heit verdeend. En dan is ut pas november…………. ‘t Lange wachte is begonnen en ut däört te lang veurdat ut ech geit beginne. In de maonde januari en februari kinne veer dan weer aan de carneval gaon ruuke met un aantal geweldige aktiviteite. JCV de Haverzekskes reup ut jeug prinsepaar oet, APG Gala BREEKING NUUTS Raodslid (!) Bert Ummels is ‘t toch gelök um bie de gemeinte Meersje ‘n vergunning veur d’n optoch los te kriege. Allein maog d’n optoch neet door ‘t centrum van Bung trekke meh is de locatie verplaats nao Kase. Dao zin minder sjtraote en de verwachting is dat dao neet zwoà väöl luuj nao toe komme en dus de kans op besjmetting dao door ‘n sjtök kleiner is. Biekommend veurdeil volleges de gemeinte: In Kase zelf zin gein kaff ees! Mjé nuuts volg zwoà sjnel es mäögelik via ‘t veurmalige kerke bleedsje.... alige De redaksie Carnaval in Bung aovend, Senioremiddig, BBB, VV Bunde reup hunne prins oet en langzaam aan brink dit eederein in de gooje sjtumming. carnavals Carneval zelf is unne Rolling Coaster met es hwoàgtepunt de Optoch. Eeder jaor zeen veer weer geweldige groepe en is ut sjwoàn te zeen wieväöl energie en fantasie der in die kleurrieke pakke wordt gesjtoke. Dan dinsdag alweer de aafsjleeting met het zak aaflaote met het eregilde van de Zakoplaotersj. Veur ós eeder joar weer un emotioneel gebäöre. En veer zin neet de einige. Esjgoonsdig nao de kerk, naoklasjenére en dan komme de jérsjte verhaole al los. Carnevals seizoen 2021 geit os altied bieblieve maar op un ganse andere meneer dan alle veurgaonde jaore. Veer hope dat 2022 een super en “ normaal “ sezoen geit weure veur eederein. Blief gezond! Alaaf! Sabine & Stephan
12 Online Touch Home