HAVERBODE 2015AVERBODE 2021 15 15 Leny 4x11 jaor lid CV de Havermennekes Op de koffi e .Örges begin december veurig jaor op bezeuk bie ……. Door Covid 19 zal 2020 de beuk in gaon es hjél biezónder. Mer zwoà es altied zeen der mjér biezóndere mominte die de revue passere. Gein zjubilarisse in de raod van 11 dit jaor, mer waal eine hjél biezóndere zjubilaris, 4x11 jaor lid van CV De Havermennekes in versjillende settings. Ich bin zelf lid gewore van de raad van 11 in 1977 ut joar dat auwd prins Sjo Wintgens woort oetgerope. Zie haet häör intreije gedaon bie de raod en direk ouch in ‘t bestuur van de CV. Mer ze waor toen waal al 11 jaor sjteunend partner lid van manlaef Wim (lid sinds 1965), ‘n jaor woà in de vereiniging ouch weer nuuj veersj blood kós gebruke. De vereniging hauw toen ‘n vas lokaal in Café De Haverput dat deende es de hoeskamer van de vereiniging. Dat zaot zwoà deep bie heur geworteld, dat ze in 1983 besloot de café zelf te gaon oetbate. Zeker toen Prins Wiel Leurs in 1982 prins waor en heer ‘n nuuj oetdaging boete Bung hauw gevónge. Ver höbbe ‘t natuurlijk over Leny Meyers -Frissen oet de Sjloàt! ‘N ech Bungs Maedsje met ‘t Bungs carnevals hart op de gooi plaats. Al jaore is zie ‘n enthousiast carnevalsvierster in Bung. Binne de vereiniging kint eederein Leny en Leny kint natuurlijk hjél veul luuj. Met heur café- woàrre heit ze väöl met gekrege en met gemaak in al die jaore. Mer ze vingk ‘t hjél lestig hie get specifi eks oet te beneume. Un aantal te van de CV. Zwoà es vergaderinge , prinsoetropinge, prinsecommissie, bemannen van bonnekassa, Dit alles deeg zie neve heur werk es kastelein. Ze hauw gooj kontakte met artieste die ze dan ouch reigelde veur ós. En neet te vergete ouch ‘t potse van de café zwoà dat ver veer op de nuuje daag in ‘n sjpik en sjpan zuvere café woorte óntvange. Ich ben netuurlijk veul deenger vergete te beneume, mer wil Leny dan ouch hjél erg bedanke veur alles wat ze deit veur de Bungse gemeinsjap en specifi ek veur de carneval in Bung. biezóndere mominte die mich noe zwoà eve invalle: ‘N kartonnen medaille van de blauw sjuut ter ere van 1x11 jaor!! BCL (bond van carnevalsvereinigingen Limburg) bie Leny op bezeuk veur heur 3x11 jaorige resepsie!! Zeker neet te vergete 3x ‘n prinsepaar dat door umsjtandighede ‘n extra jaor aan hun prinse jaor höbbe maoge plekke. Eugéne1-- golfprins Joop1—crisisprins En noe Stefan1 --Coronaprins Heur ontelbare biedrages in hjél veul aktiviteite: ziekebezeuk, versjnaperinge serveren bie de veule mominDoor de huidige umsjtandighede kinne ver Leny jaomer genóg noe allein digitaal in ‘t zunneke zette. ‘N blumpke heit ze waal al maoge óntvange, mer der zal zeer zeker nog een sjiek momint kaome dat veer Leny ech in ‘t zunneke zalle en kinne zette, wat zie zeer zeker ouch ech verdeent. CHAPEAU LENY en bedank veur alles wat ste veur ós höbs gedoon, en dat ver nog veul jaore van dien gastvrouwsjap maoge genete. !!!!Alaaf!!!! Gesjreve december 2020 nestor René van de Ramééker Prinse-poster van Jan Linders Ózze “nuuje” supermert Jan Linders in Bung heij veurig jaor ut super leuke initiatief um posters van prinse te laote make. Gein foto mer ‘n heuse karikatuur en uiteraard woort ózze prins Stefan ouch vereeuwigt door Leon Peeters en Sandor Paulus. In vol ornaat en begeleid door Zaate hermenie “Frenske” woorte veer oetgenwjéddig um de poster hwoàgspersoonlik in ontvangst te numme. Met ein houp meziek en same met de prinsepare van Meersje, Borghare, Gäöl en Ittere woorte veer hartelik ontvange in de supermert. Nao eine oetgebreide polonaise door de supermert en veural door de drank-gank, kreeg ózze prins Stefan ziene eige poster oetgereik. Ut resultaat is ein super sjwoànne en kleurrieke illustratie gewore, ‘nne grwoàtte merci aan Jan Linders veur deeze sjwoànne poster. Reizende réporter Bèrke
16 Online Touch Home