Haverbode 2015averbode 2022 15 15 Zieke en zjubilarisse bezeuke Op zaoterdig vief fibberwarie trok ós prinsepaar door Bung um de kranke en auwer luuj ein hart ónder de reem te sjteke. Van ut Hoolhoes tot de Maer en van ut klwoàster tot aan de Pas. Alle kranke en auwer luuj (die zich hauwwe aangemeld) krege oet han van prins Stefan en Prinses Chantal ein lekker fruitsjeutelke en natuurlijk ein paar opbeurende weurd. Óndanks alle corona maatregelen höbbe veer binne de meugelikhede op anderhalve maeter ein bezeuk gebracht. Dat brach bie de luuj vaak eine grwoàtte lach op ’t gezicht en woort erg gewaardeerd. Ouch bie de huwelijks zjubilarisse zeen veer langs gewaes um hun te felicitere en te verwinne mét ein lekker flesjke wien. Wilt geer volgend jaor ouch dat ’t prinsepaar van de Havermennekes ein bezeuk brink bie uch (of eine andere bekinde) dan kint geer dat melde bie: ziekenbezoek@havermennekes.nl Ziekecomité CV de Havermennekes Kaffee ope Kaffee toe Kaffee ope.... ‘n lekker veersj getap glaeske beer. Jonges dat sjmaakde. Zwoà wie ut whjért heel eederein good aafsjtand en ging ouch sjwoàn zitte. Um tjén oor waor ut weer gedoon met de pret en waor ut sjletingstied. ‘t Väörig jaor sjreef René van de Rameeker nog ‘n leuk artikel euver Leny van De Haverput en de belevenisse euver carnaval. Ouch Stephan en Sabine zörgde veur ‘n leuk artikel euver wie zie carnaval altied ervare. Zie gaove aan dat carnaval 2021 ónvergetelik waor meh sjpraoke de hoop oet dat carnaval 2022 weer normaal zou kinne were gevierd. Veer weite óndertösje allemaol wie ‘t is gegange. Tösje 14 oktober 2020 en 5 juni 2021 móste de kaffees de deure grwoàttendeils sjlete. Op 29 december 2021 ging de horeca opnuuj toe um de verspreiding van ‘t virus zwoà väöl mäögelik te veurkómme. Dat waor ‘nne flinke klap veur de horeca en dus ouch veur Stephan en Sabine en Leny. Veer höbbe Stephan Sabine nog nwoàts zwoà väöl zeen wandelle. ‘t Sjient dat ze allebei al ‘n paar wandelsjeun höbbe versjlete. En bie Leny waor met tape op de vloer zelfs de loup richting aangegeve... Veer hauwwe en höbbe nog sjteeds met de horeca te doon….. meh op 14 jannewarie gaove de börgemeister dan toch toesjtumming dat de horeca op zaoterdig 15 jannewarie ope moch. Um os kasteleins ‘n hart onder de reem te sjteke höbbe veer es raod van èllef van de Havermennekes met ‘n flinke delegatie ‘n bezeuk gebrach aan De Haverput en Café Regina/Bie Stephan en Sabine. En ‘t waor gezellig. Eindelik weer ins De horeca mos weer toe. Gelökkig kaom op 25 jannewarie (eindelik) ‘t nuuts dat de horeca weer beperk ope moch. De maotregele geldt tot 9 mjért. De restaurants zaote in eine sjlaag euveral weer good vol en ouch de kaffees krege weer klante. Op zondig 30 jannewarie sjeen ouch ‘n Bung ‘t zunneke en waor ‘t 8 graoje. Dat weerheelt de luuj d’r neet van um op de terrasse te goon zitte, zwoà óndervonge ouch Stephan en Sabine. De luuj numme de boodsjap van de deskundige nog waal serieus meh höbbe ‘t tegeliekertied ouch gehad met corona. Ze voolte zich geïsoleerd en opgesjlote. Sommige zellefs einzaam. Meh noe kump netuurlik de vraog wie geit dat met carnaval, maoge de kaffees dan langer ope en kint fjés weure gevierd? Op ‘t momint van sjrieve van dit artikel waor dat nog neet bekind. De vollegende persconferentie van Mark Rutte en Ernst Kuipers is pas op 15 fibberwarie en de börgemeistersj zalle d’r ouch nog get van motte vinge. De Havermennekes höbbe veur dit seizoen alle aktiviteite geannuleerd. D’r kump in eeder geval e oetroping van de jeug en v’r loere wat nog mjér kin. Meh zwoà wie gezag, ouch dao mot de börgemeister nog get van vinge. Veer wachte de berichgeving ongeduldig en in sjpanning aaf…… Gesjreve december 2022 nestor Bèrke Priesvraog Welke HAverman zuut g’r hie? Inzendinge nao: haverbode@havermennekes.nl ****INGEZONDEN FOTO**** Nonne höbbe nuuj Hobby! Umdat de Vastelaovend neet door geit höbbe os 3 nonne zich ‘nne andere hobby gezeuk…dat weurt oplette veur Max!
16 Online Touch Home