2 2 Haverbode 2015averbode 2022 Ere Gilde van de ZakOplaotersj Leef luuj, Ut väörig jaor waor ut al hjél lestig um un sjtökske te sjrieve veur in de Haverbode, meh noe is ut nog väöl meuijlikker, meh …. ich gaon toch weer un poging wage: nuuj lid van ut Eregilde van de ZakOplaotersj. Veer zalle Tiny altied blieve herinnere es un positief ingesjtèlde, goodlachse en ummer gooj zin höbbende vrouw, die tot ut lètste jaor altied aanwezig waor bie ózze jaorlikse bbq- aovend. Tiny bedank dats dich zwoà prominent lid bès gewaes van ut Eregilde van de ZakOpLaotersj. Hopelik vingk ste dien rös en weursj te weer hereinigd mèt Wil. Tiny, rös zach! Veer hauwwe os al verheug op ‘t oetrope van ut nuuj Prinsepaar op 28 novèmber, meh ouch dit kós neet doorgoon en woort versjove nao 8 januari 2022. V’r blieve positief, dus veer goon d’r vanoet dat ut dan waal doorgeit. Ut väörig jaor hoopde veer es ZakOplaotersj dat veer mèt de carneval mesjiens mèt alle carneval leefhöbbersj toch eine daag un hjélle lange reijeloet door ós dörp koste make…. Jaomergenóg … dit bleek valsje hoop. Gelökkig waore d’r un aantal carnevals gèkke, die geprobeerd höbbe, unne alternatieve optoch te organizere en hie en dao woort gezörg veur get te ete en get te drinke. Chapeau allemaol!!! Ouch veer höbbe hjél kreatieve luuj in de vereiniging: In mjért krege veer van Sandra allemaol un flesjke KUT-beer met es toevoeging: “Ich wil uch in dit KUT jaor traktere op ein KUT beerke en same mèt uch proostte op eine sjwoànne carneval in 2022.” Dit gaof ut bie ós heersende geveul perfek weer. Gelökkig sjmaakde ut beer beter es tot de naam deit vermoede. D’r waore jaomergenóg nog mjé minder leuke gebäörtenisse ut aafgeloupe jaor: In juli sjtruimde gein beer, meh water, hjél väöl water door de sjtraote. Wat un ellènde waor dat en helaas zeen ouch un aantal lede van ós Eregilde door dees euversjtruiming zjwoàr getroffe. Op 25 augustus höbbe veer op gepaste wijze en in vol ornaat helaas aafsjied mótte numme van Tiny Schrouff-Engels. In 2006 woort Tiny oetgerope es Aan de ZakOplaotersj zal ut neet ligke. Veer waore d’r ‘t veurig jaor al klaor veur. Ut bewies hievan kint geer vinge op youtube via de link: https://www.youtube.com/watch?v=hZ35r_NR5Pk Helaas koste veer maar ein dingk konkludere: “D’R IS NIKS” Veer goon d’r van oet dat Corona d’r in 2022 ouch eindelik klaor veur is um de carneval op ZONDIG 27 FIBBREWARI door ózze nuuje Zakoplaoter te laote opene door de Haverzak op ut Sint Agnesplein umhwoàg te heise, zwoàdat zien/häör gedöld dan belwoànd weurt. Naomes ut Ere Gilde van de ZakOpLaotersj Bung Anita Schols Secretaris Fusie in Bung Flauwe Kwatsj In Bung geit d’r binnekort ‘n geweldige fusie plaatsvinge van tjwé lokaal bedrieve. • Gek, Niks en Nemes zitte in eine boum. Op ins vilt Nemes oet de boum. Niks zaet;”sjnel, bel eine zieke oto”. Dus Gek belt nao ut ziekehoes; “hoi, ich bin Gek. Ich bel veur Niks want Nemes is oet de boum gevalle”. • Bèrke vreug aan Huub; langs de weeg sjtoon bördsjes met de tekst “Zachte berm”. Woàrum sjtoon d´r nwoàts bördsjes met de tekst “Harde berm”?. Zaet Huub; Die kriege ze neet in de grond. • De jufrouw vreug op sjwoàl; zeve plus zeve, wat kriegs-te dan? Marieke antwoord; hjél fien zand. En dan ouch nog ins van tjwé lede van de raod van èllef van de Havermennekes. ‘t Geit um de installatie bedrieve van Johan Slangen en Alexander Hanssen. Zie bundele hun krachte um zwoà nog operationeler te kinne goon wèrke. Tegeneuver ‘t bedrief van Rene van de Rameeker (ouch raodslid) zou ‘n nuut bedrief met kentwoàr en wèrikplaats weure geboet. Hiedoor óntsjteit d’r op termijn werrik veur zoa’n 30 luuj. Johan en Alexander höbbe same veur ‘nne nuuje naam gekoze. ‘t Bedrief krieg de naam “Install 4 All”. Zwoà zeet geer mer woà tjwé van de kleinste manne van de raod grwoàt in zeen. Veer winsje hun väöl sukses toe. Bèrke de rondreizende reporter • Sjeufke is 14 jaor oud en geit beechte bie pesjtwoàr; “menhjér pesjtwoàr ich höb gezondigd”. “zo, wat höb ste dan gedoon?”. “ich höb Anneke mét nao hoes genome”. “mjér dat is toch gein zung”. “ich deeg häör sjeun en sòkke oet”. “ouch dat is gein zung, miene jong”. “ich deeg häör oonderbreukske oet en häöre BH los”. Tot noe toe is dat nog gein zung”. “toen kaom miene pap binne en betrapte os”. “Nou zaet pesjtwoàr “dat is pas zung”. • Kump eine man bie d’n dokter; “dokter, zeen moselle gezond?”. Zaet d´n dokter;” ich dingk ‘t waal want ich höb nog nwoàts ein in mien praktijk gezeen”. • Op eine aovend kump Sjra bie Regina nao binne geloupe. “Stefan doch mich ein pilske want ich höb weer ruzie gehad met m´n vrouw“. „och jao?“ zaet Stefan, „wie ging ut deze kjér d´r aan toe?”. Sjra;”nou, wie de ruzie veurbie waor kaom ze op han en veut nao mich toe gekrope”. “oh”, zaet Stefan, “dat is verrassend, en wat zei ze?”. Sjra;” bangesjieter, kom oonder dat bed oet!” • Pierre zit aan d´n toog in de Haverput en besjtèlt zich eine jonge. Eve later kik heer in zien binne tesj en besjtèlt zich nog eine jonge. En es ouch dae op is kik heer weer in zien binne tesj en besjtèlt zich weer eine jonge. Leny is toch waal get nuujsjérrig en vreug;” Pierre, wat höb ste in dien binne tesj?”. Pierre zaet;” dao zit ein foto van mien vrouw. En es die d´r good begint oet te zeen, dan weit ich dat ut tied is um nao hoes te goon” • René kump bie de sjport sjwoàl en vreug aan de instructeur;” mét welk apperaat kin ich de meiste indrök make bie de vrouwluuj?”. De instructeur kik häöm aan en zaet;”Es-te heij nao boete geis, sjteit um de hook eine pinautomaat” • Wis geer dat ózze mede-burger Bert van Marwijk de Nobelpries veur geneeskunde heit gekrege? Bert heit nl binne ein week óngevjér 16 miljoen luuj van de oranjekoorts aafgeholpe. • Löp Harrie euver sjtraot en weurt häöm door eine man gevraog woà ut kerkhof is. Harrie zaet;” op ut Sint Agnesplein”. Vreug de man aan Harrie;”weit geer of dao ouch lesbiennes zeen begrave?”. Harrie;” nou dat weit ich neet. Mer woàrum wilt geer dat eigelik weite?”. “Nou”, zaet de man; “mien vrouw heit mich gevraog um potgrond te hoole” Van ózze reporter ter plékke
3 Online Touch Home