Haverbode 2015averbode 2022 21 21 Van scoutingweekend nao Carnevalsgroep Ónderwiel höbbe veer met carnavalsgroep BUWU drie carnevals optochte in Bung achter de rök en zeen d’r nog genóg ideeje veur toekomstige carnevals optochte. Meh de sjtart van carnevals vereiniging BUWU, bekind van onder andere Airbunde en Bungpop, maog gerost biezónder genump were. ’t Begós óngevjér veer jaor geleije tiedens ‘n OKIweekend van scouting Bunde. ‘n Gesjlaag weekend woà in auwersj met kids van dezelfde laeftied zich get beter lierde kinne. Van ’t ein kaom al gauw ’t ander. Van ‘n aovendsje op ’t terras met de manne tot ’n aovendsje wiene met de vrouwluuj. Totdat op enig momint de volgende vraog woord gesjtèld: zalle v’r met doon aan de carnevals optoch in Bung? Woàrum ouch neet. Wat vollegde is bienao met gein pen te besjrieve. Aovend na aovend boewe aan de carnevals wage, ‘n eige tapinstallatie, ‘n socialmediacampagne, flyere, stickers plekke, pakke make, Al tjwé joar nuchter! en zwoà wier. Op dit moment besjteit de carnevalsgroep oet zeve gezinne, 14 volwassene en 14 kinger. Neve carnaval weurt d’r same gekampeerd, same gefiets, same gewandeld, zègk mer gerös same genote. Dit zalle ‘n aantal van ós kids hopelik de carneval viere es lid van de Jeugraod van èllef of mesjiens waal es Jeugprins(es) of adjudant. Ein nuut thema veur dit jaor? Netuurlik höbbe veer dao al euver naogedach… BUWU Marco en Suzanne Ritzen jaor “pas Biejein” ’t Is alweer tjwé joar geleije dat de lètste Vastelaoves optoch van Bung woort gereeje. Veer pakte toen d’n jérsjte pries bie de categorie klein groepen. Met ózze zelfgemaakte bobsjlee rende veer vanoet de Hemelboomlaan in sjnéltreinvaart nao ’t Agnesplein, um dao op de wins te proostte met vastelaovend vierend Bung. D’n optoch loupe is os al vreug met de paplepel ingegote. In 1998 dege veer veur de jérsjte kjér met! Weit geer wae v’r zeen? Oké, mich is gevraog um ‘n sjtökske veur de Haverbode te sjrieve. Euver os carnevals groep “pas Biejein” nou wat zal ich zègke. Veer höbbe in 2019 mètgeloupe es de auwersj van de Haverzekskes. Veer ginge toen es “fjéste wie de Bjéste”. Veer hauwwe same ‘nne leuke wagen gemaak en ‘n super sjwoànne eet en drank wage. ‘t Waor ‘nne leuke en gezellige optoch en de groep klikte gewoon super good. Wat waor ‘t leuk en wat höbbe veer genote, gedans en väöl lol gehad. Umdat ‘t zwoà good klikte tösje ós alle höbbe veer metein besjlote um ‘t jaor d’r nao ouch met te doon met d’n optoch. Zwoà gezag zwoà gedoon. Veer sjpraoke aaf bie kaffee Regina en ginge aan de sjlaag veur d’n optoch van 2020. Allein dat bie ein zitte en ideeje bedinke is al ‘n grwoàt fjés. Ja thema…. Wat goon v’r doon. Mot waal actueel zeen. Nou met Prins Stefan en Prinses Chantal aan ‘t roor, kaome veer al sjnel op leuke en gekke ideeje Ich besjpaar uch alle ideeje, meh veer höbbe get aafgelache, kin ich uch vertèlle. En toen waor d’r ‘t Thema: Es ze met Chantal Sjlaope Jolanhe Demandt kins… weurt ’t doort(r)appen veur de prins. En dan begint de veur sjpas, Wage boewe, kleiding besjtèlle en alles bie ein zeuke. Ouch blieke de meiste oud Haverzekskes zellef met te wille doon. D’r óntsjteit ‘n grwoàtte groep met jóngk en auwd. En ’t sjwoànste, ’t is sjus zwoà gezellig es ‘n jaor geleije. Noe al, d’n optoch mot nog beginne. Echt de Bungse optoch is zwoà leuk en gezellig. Hie geneet ich ech van. ‘ T is ‘nne optoch met grwoàtte groepe, klein groepe en soms zellefs eine einzelgänger, meh veural ‘nne optoch veur jóngk en auwd, eederein is bliej, de luuj die mètdoon, mer ouch ’t publiek. Die dege good met. D’r waore bes get vriewilligers die ‘t bed waal wouwe oet probere. wier waore de hjérre in eine leuke fiets outfit, met ‘n toepasselik shirt. En ‘n extra buukske. Want ja nao zwoà ’nne Vastelaovend höbs te dat al snel. ’t Waor weer ’nne gesjlaagde en leuke optoch, ’t waer zaot met en veer kieke veuroet nao de jérsj vollegende optoch, meh Jéh wanhjér….. Dat blief veur eederein sjpannend…. Gesjreve december 2022 Bunderstraat 193 | 6231 EK Meerssen | 043 - 365 52 69 Uw vertrouwde adres voor verkoop & reparatie van rijwielen Openingstijden: maandag t/m vrijdag: 09.00 - 12.00 | 13.00 - 18.00 uur zaterdag: 09.00 - 16.00 uur | dinsdag: gesloten Wilhelminasingel 68A Maastricht T. 043 - 328 17 60 www.achtenvangent.nl www.robsmeetsrijwielen.nl
22 Online Touch Home