Haverbode 2015averbode 2022 29 29 De Haverzekskes Bung Zaoterdigmörge 12 Februari, Vandaag is het zwoàwiet , ondanks alle maotregele, regelkes en beperkingen is het ós toch gelök! Vandaag goon veer ózze nuuje raod van èllef, prinsepaar en sirremoniemeister insjtallere in ‘n “laeg auw kèrk “. Allein pap mam en breurkes of zusterkes maoge vandaag aanwezig zeen. De zaal is klaor , de stoel staon op 1,5 meter aafstaand , veer goon beginne. Spannend is dit wel, tjwé kinger zitte thoes in quarantaine en doon via teams mèt. Un grwoàt scherm op het podium maak dat zie d’r toch un bitteke bie kinne zeen. Dus de belangriekste luuj van de Bungse carnaval zeen der bie vandaag, fysiek of on-line . De kinger van groep 7 en 8 van de basissjwoàlle höbbe zich kinne opgeve met de vermelding of ze prins, prinses, sirremoniemeister of lid van de raod van èllef wille weure. Ander jaore waore noe 3 gezinne hjél zenuwachtig en wiste ze al unne hjélle tied wat vandaag ging gebäöre … Dat is noe anders, allemaol zenuwachtige sjnuutskes , want eederein dae zich heit opgegeve maak kans um in de Bungse carnaval veurop te goon. En dan is ut tied , allemaol achterein in polonaise door de zaal ut podium. Jérsj weure alle kinger door ózze presentator Stan veurgesjtèld aan Bung, Dan kome oud prins Sem, Prinses Renee en Adjudant Stijn ‘t podium op um alle kinger ut Haverzekske um te hange en kinne veer door met de oetroping /loting van de nuuje prins prinses en sirremoniemeister. Sem krieg unne prikker in de han en maog eine van de drie rwoàj ballonne kepot prikke, nao ‘t aaftèlle van 11 nao 0…Op dit keertsje sjteit ……..Prins Teun Kurvers de 2e Daonao maog Renee de gele ballon kepot prikke …op dit keertsje …….Prinses July Sassen En Stijn prik unne greune ballon kepot en op dat keertsje sjteit… Sirremoniemeister Mirte Aarts. Noa de oetroping lasse v’r eve un klein pauze in um eederein um te kleije en ‘t Prinsesse pekske bie Prinses July thoes te kriege want die zit in quarantaine . Nao de pauze ..Weer in polonaise trok door de zaal ut podium op um eederein ech te insjtallere . Prins Teun 2e lees de Prinseproklemasie veur en daonao zörg Prins Stefan van de Havermennekes de veur dat Prins Teun zien medaille steek en scepter krieg um euver Bung te regere met de carnavalsdaag .Prinses July weurt thoes door heur auwersj en zus veurzeen van medaille, krwèntsje en biedermeier en dan is het de beurt aan ceremoniemeester Mirte die weurt door sirremoniemeister Bart van de Havermennekes veurzeen van heur fluitje, hoed, medaille en sirremoniestek. Dan inins is ‘t al hjél laat en beseffe v’r dat het vollek van Bung sjteit te wachte …..dus snel ‘t podium aaf en de wage op . Heerlijk genete dit, mèt de jeug in de top, de meziek aan, maoge veer in Bung veur de jérsjte kjér in tjwé jaor weer preuve van de Bungse Vastelaovend. Wat prachtig um te zeen dat väöl luuj de vlag höbbe oetgehange, de hoezer höbbe verseerd en in grwoàtte getale boete sjtoon te kiek nao ózze nuuje raod van èllef en prins prinses en sirremoniemeister.Unne sjiek optoch, mèt in de volgwage prinses July en dao achter raodslid Vince dae aug in quarantaine is . Fijn dat dit mäögelik is en de kinger der zwoà toch bie kinne zeen . Nao de optoch nog un klein fjèske op t plein en denao met de raad prins en sirremoniemeister trök nao de auw kèrk woà de Hermenie nog un leuke verrassing veur ós heit . ‘n Sjwoàn serenade en get lekkers veur alle kinger .Daonao lekker same friete ete. V’r kieke trök op ‘nne fantastische daag , veer zeen grwjétsj dat veer dit met os nuuje werkgroep höbbe kinne realizere op zwoà’nne korte tied . V’r hope dat veer nog väöl maoge organizere en same met de Havermennekes carneval in Bung tot un nuuj tiedperk kinne bringe, woà grwoàt en klein alles same kin viere en sjpas kin make met alle luuj van Bung. Bedank namens Prins Teun de 2e , Prinses July , Sirremoniemeister Mirte, de raod van Èllef :Jur Mullers, Yfke Nievergeld, Daan Ritzen, Lonne In de Braekt, Sterre Adriaans, Isa Brandts, Zola Thomassen, Benthe Demandt, Maud Tilly, Femke van Piggelen, Vince Lemaire , Lex Nievergeld , Tygo Bijl, Vince Luijten , Anna Winants, Sanne Henssen, En natuurlijk ook namens de werkgroep Haverzekskes, Didier Mouchart, Desiree Yerna, Esther Smeets, Inge Ramakers, Susanne & Ralf Inde Braekt en Chantalle Dool Bung bedank en geer zalt vas nog hjél väöl van ós goon whjérre! Jeug Comité De Haverzekskes En inins kaome de geruchte op gangk … De jeugcarneval van Bung geit sjtoppe... Nei toch gein Haverzekskes mjé???? Dat geuf ‘t neet….wieväöl kinger van Bung höbbe sjieke herinneringe aan de leukste carnevalsdaag van hun leve. En veur wieväöl auwersj waore dat geweldige daag woà ze met hun kinger door Bung en umsjtreke höbbe ge-fjés.. Ouch de Havermennekes wilde dat neet laote gebäöre en begóste al ins te polse veur get nuuj kartrekkers veur de jeug van Bung. Unne informatie aovend woort geplant bie Lenie van de Haverput en vol verwachting ginge veer dao nao toe …Wee zou dao zeen? Wee wélt mét doon ? Wat verwachtte ze van ós? En gaon veer ós opgeve? ‘t Waor bes drök en de luuj hauwwe väöl vraoge…… Der woorte veurzichtig al get ideeje geopperd, prins prinses lootte en zeker neet mjé keze waor dao ein dink van . En toen kaom de Belangriekste vraog van de Veurzitter van de Havermennekes .. WAE DEIT MET ES KARTREKKER? Dao kaome al metein 5 name nao veure…..wauw wat un gezellige club dao goon veer vas väöl plezeer met beleve, un paar daag later waore ver al met zijn zevenen. Top! De jérsjte vergaderingen zeen gewaes en de jérsjte beslissingen zeen genomen de oét-wèrking doon veer same met allemaol enthousiaste auwersj van de kinger die zich al höbbe opgegeve. En wat aug al belangriek is dat de jérsjte datums vas sjtoon: Zondag 30 januari prinse proclamatie volgens de nuuje meneer, door de huidige corona maotregele versjuuf nao Zaoterdig 12 fibberwarie. Veer hope uch te zeen met ein van ós fjéste en zeker tijdens de carnevalsdaag in Bung! Hauwt de website van de Havermennekes en de Sociale Media in de gate veur de aktiviteite die v’r mäögelik met in achneuming van de nuuje corona maotregele kinne organizere. En dan zalle veer os aug nog aan uch veursjtèlle….: Ralf In de Braekt, Didier Mouchart, Susanne In de Braekt, Inge Ramakers , Esther Smeets, Desiree Yerna en Chantalle Dool. Tot Dan! Bung Alaaf! Haverzekskes Alaaf!
30 Online Touch Home