Haverbode 2015averbode 2022 5 5 Ós Prinsepaar van de Havermennekes Leef luuj, En zwoà is weer un joar veurbie. Un ónvergetelik joar in diverse opzichte. Un joar dat väöl luuj sjnel wille vergete maar oug un joar met väöl positieve deenger. De term “positief’ heit bekans un negatieve lading gekrege. Du zals mer positief getès zeen... Veer es prinsepaar wille uch aanmoedige um ondanks alles positief te blieve. Bekiek veural de positieve deenger um ós heer; Luuj zin elkaar sjpontaan met van alles aan ut helpe door bieveurbeeld kemissies te doon veur ander luuj die in quarantaine zitte. De diverse hulpacties veur de luuj woà de hoezer van ónder water lepe. Men realiseert zich noe, nog mjér dan anders, wie fijn ut is um elkaar te ontmoete, un tas koffie of un pilske same te drinke, of um simpelweg ós geleefde unne poen of unne knoevel te geve. Veer höbbe ‘n “nuuj” kabinet. Max Verstappen is waereldkampioen. Oug Bung leet en ljét zich in väöle opzichte van ziene positieve kant zeen; Es prinsepaar van Bung höbbe veer same met bekans alle prinsepare van Grwoàt Meersje un sjwoàn leedsje oet gebrach. Dit woort financieel mäögelik gemaak door de Gemeinte. De Havermennekes höbbe de veurige Haverbode rond gebrach woà in de advertenties van ós sjponsore gratis zin geplaats. Dit es bliek van waardering veur hun óndersjteuning, dèks al jaore langk. Mer zeker oug um ós sjponsore un hart onder de reem te sjteke. Met de carnaval waore leuke, kleinsjalige Carnevals initiatieve in ós dörp; gewoon op sjtraot met un paar luuj bie ein en op gepaste aafsjtand. Prachtig! D’r zeen positieve geluide um van de kerk un multifunctioneel geboew te make veur de ganse gemeinsjap. De Havermennekes houwe met allerlei initiatieve ut Carnavalsvuur in leve ónder andere door de sjtraote te versere. Hingk geer ouch de vlagge oet? Es prinsepaar höbbe veer de kranke luuj van Bung en de luuj met sjwoàn jubileums maoge bezeuke, uiteraard rekening houwend met de geldende reigels. Dat höbbe veer ech sjiek gevónge. Met name de werm wäörd en waardering die dit met zich met brach. Dat zalle veer es Havermennekes dit joar oug doon. In de Vleegesjtraot is ut hel rieje onmeugelik gemaak. De Bungse jeugcarneval krieg nuuj leve in gebloze. Zwoà mer un kleine greep oet de talloze positieve dinger um ós heer en in ós geleef Bung. Leef luuj; Ouch aan dizze bizarre tied kump un eind. En es dat zwoà wiet is, dan geit ut daak d’r van aaf. Dan kint eederein weer same ongeremd sjpas make en knoevele. Dan kinne veer ós prinsje sjap aafronde door de scepter te euverhandige aan de nuuje prins of aan ut nuuj prinsepaar. Dit hope veer 20 november a.s. same met uch te beleve. Hauw pin, blief positief en veer hope dat veer ós gauw weer kinne ontmoette in ut dörp. Alaaf Prins Stefan I Prinses Chantal
6 Online Touch Home