Haverbode 2015averbode 2022 9 9 “Bung ‘t dörpke bie de Geul, Julianakanaal én aan de Maas” Carneval is van oorsjpronk ‘n gekerstend heidens Volksfjés.. ‘t Vilt binne de Christelikke traditie op de zondig, maondig, en dinsdig Veuraafgaond aan de vastentied van 40 daag.Carnaval in Bung is dan ouch bie oetsjtèk ’t fjés van zotheid, spot en uitbundigheid. Toch kint in hjélle korte tied de waereld op ziene kop sjtoon! Op ‘nne sjwoànne zomerse daag in juli 2021 sjtong veur väöl luuj in Bung, meh ouch ós ‘bure’ in Gäöl, afgeleid van de rivier de Geul, de waereld eve sjtil. Kortdeurend waor d’r ’n loch alarm te whjérre? Meh ‘t waor toch geine maondigmiddig? ’t Waor toch gein 12.00 oor? En woàrum cirkelt d’r continu ‘nne helikopter bove Bung? En dan, um 13.45 oor ....‘n NL-alert! Veer krege ‘t advies um de bove verdeping van os hoes op te zeuke. De bove verdeping? Woàrum? Tot ós ‘t berich bereikte dat d’r ‘n grwoàt gaat in de diek van ‘t Julianakanaal, offisjeel geopend op 16 september 1935, zou zin. En nao korte tied alweer ‘n nuuj berich dat de situatie gewijzig zou zeen. Alle inwonersj van Bung, Voelwammes, Brommele, en Gäöl(onder) móste ‘t gebied zwoà sjnel mäögelik verlaote. De gebiede zouwe op hjélle korte termijn onder water kómme te sjtoon. Op ‘t Kempke, ‘n woonwiek oet de jaore 70, is ‘t op ins drök, bie sommige waor d’r sjpraoke van serene ros en bie andere waor ‘t chaotisch. Buurtbewonersj wunsjde zich succes en probeerde de sjtraot met auto’s te verlaote meh zwoàwaal de Klwoàsterberg es de Prinses Ireneweeg is veranderd in ein grwoàtte file van auto’s. Ouch zin d’r inwonersj die ‘n poging óndernumme um hun Deere, woà onder paerd nao ‘n veilig onderkómme te bringe. ‘t Normaal gesjproke o zwoà röstig idyllisch dorp Bunde, met 5.525 inwonersj, genoot op ins en opnuuj landelijke bekindheid. Bung waor vreuger bekind door ‘n herstellingsen ontspanningsoord veur zwakke kinger met de naam Koloniehuis Euverbung en naoderhand woort ‘t complex ouch es opvangtehoes veur meujlik liërende kinger gebruuk. Terwiel väöl inwonersj Bung hauwwe verlaote kaome oet gans Nederland politieagente, brandweer luuj, reddingsbrigades, en ‘t leger, ‘n helpende hand beeje. D’n daag d’r nao leet ‘t zunneke zich alweer zeen woàdoor de situatie d’r veur sommige al get minder treurig oet zaog woàbie väöl bewonersj van de geëvacueerde gebiede trok mochte nao hun hoes. De situatie waor weer veilig gevónge.. Helaas waor dit neet veur eederein van toepassing. CV de Havermennekes verkoup dit jaor gein Sjteunkaarte, ipv daovan kint g’r via de QR code op de veurkant van de Haverbode een bedrag doneren nao de Havermennekes, van de totale opbrengst weurt 20% euvergemaak nao Stichting Water-Stop-Nu! (Stichting veur de afhandeling van de watersnood) Umdat in Bung de Geul, veur väöle van ons bekind es de Gäöl, ‘nne revier dae ontsjprink in de gemeinte Raeren in Belsj bie de Cycloopstenen aan de Duitse grens, naobie de plaats Lichtenbusch, neet kós aafwatere nao de Maas vanwege de hwoàge watersjtand, waor de Maer, woà Prins Leo III (1984) en Prinses Hilda Smeets sinds jaor en daag wone en umligkende sjtraote veranderd in ’n daadwerkelik Maer. Veur de inwonersj van Bung, meh ouch Wesbrook en Brommele, ‘t gehuch tossche de Bungerbosj en ‘t Julianakanaal met circa 60 hoezer meh ouch ‘t waalbekinde pittoresk geboortedörp van Sjef Diederen en Guus Smeets, begós noe pas ‘t puinruime. Op zwoà ‘n momint zaog ste prachtige burgerinitiatieve óntsjtoon um mekaar te helpe in ‘n periode woàbie väöl inwonersj sjah hauwwe opgeloupe door ‘n normaliter klein rivierke. De Gäöl heit noe weer zien ros gevónge en sjtruimp in Voelwammes tegeneuver ’t Belsj gehuch Herbricht, weer in de Maas. Marc Bartholomeus, Roadslid CV de Havermennekes Bung Bie de Köster ‘t Perceel gelege tösje de Pletsjsjtraot en ‘t nuut complex aan ‘t Agnesplein is altied es lokasie en woonhoes in gebruuk gewaes bie zich opeinvolgende köstergeneraties. Veur de nuuj besjtumming van ‘t perceel waor dao Alex Lemmens, de köster van Bung”, zien ganse leve aktief met zien klein boerterij, Mael handel en brandsjtoffe handel (Kole, gaasflessje, petroleum, benzine enz.) Heer waor opvolger van zien vader Harie dae dao ouch ‘nne Mael handel dreef. Beide waore ouch köster bie de Sint Agnesparochie en woorte door alle Bungenaere “de köster” genump. Alex waor 63 jaor lang de köster van Bung. Alex bewhjérde tot ein van de veuroetzeende óndernummersj van Bung dae al vreug tillefoon en ‘’nne auto ( auwe Jeep) tot zien besjikking hauw De köster sjtong altied veur eederein klaor en nemes dich tevergeefs ‘n beroop op häöm. Bungenaere die get nwjéddig hauwwe, örges pech met hauwwe, get met de kerk móste, verveur nwjéddig hauwwe of móste tillefonere lepe te pas en te onpas achterum “bie de köster ”. Daodoor woort de lokasie aan de Pletsjsjtraot al sinds mensenheugenis door väöl Bungenaere aangeduid es “bie de köster”. Jan Janssen Buurtnetwerk Bung
10 Online Touch Home