Haverbode 2015averbode 2023 21 21 Senioremiddig 2023 Ózze top activiteit veur de Seniore kump der nao tjwé jaor eindelik weer aan, ouch dit jaor weer met leuke artiesten binnen en boete de regio. Sinds lange tied weer in de Auw Kerk!! De Auw Kerk weurt in opperste sjtaot gebrach zeker dankzij ózze Havervruikes, de Mennekes en alle andere vrijwilligers. Laot uch weer verrasse!! Dit jaor is de Senioremiddig op zaoterdig 4 fibberwarie 2023. De zaal is open um 12 oor Programma sjtart um 13 oor en doort tot 17 oor ‘n Entreekaart kós 7,50 euro De kaarte zeen te koup op de volgende locaties: Albert Heijn Bunde Bunder Bräu Jan Linders Bunde Zeuk uch ut gooj momint oet veur uch kaarte te koupe!!! En zet ’t in uche agenda!!!!!! Veer zörge weer veur un lekker tas koffie en un sjtökske vlaaj. Veer hope uch weer te maoge begroete bie ózze senioremiddig! Namens de Seniore Kemissie Veer zörge veur voldoende zit en sjtaonplaatse. Beertap machine Aktie Toetie Froetie Veer höbbe al onbemande zelfscan kassa’s en noe zou Leny van de Haverput goon euverwaege um ‘nne tapautomaat in gebruuk te goon numme bie grwoàtte eveneminte. Dat sjaelt in personeelskoste en de höbs gein gesodemieter mjé mèt contant geld. Ut apparaat kint maximaal 10 glazer beer in eine kjér tappe. De tiks in wieväöl glazer dat ste wils höbbe. ‘t Apparaat geuf aan wat de koste zeen. Dan hels ste diene pinpas de tege um te betale en hop, ‘t beer weurt getap. In Duitsland, woà ‘t apparaat is ontwikkeld, is ‘t mèt de beer fjéste van dit jaor mèt sukses gebruuk. De getapte glazer zaoge d’r good oet en sjmaakde perfek. Veer zalle ‘t zeen, ‘t mot neet gekker were . Bèrke Toetie Froetie is verhuus nao ‘n nuuj pand en ‘t mot gezag, ‘t is ‘nne prachtige winkel gewore. Mister Toetie Froetie, Eric Jongen, is dan ouch hjél grwjétsj op zien nuuj zaak. En Eric zou Eric neet zeen es heer ouch dit carnevals sezoen gein speciaal actie zou höbbe. Vanaaf 1 fibberwarie zin bie Toetie Froetie unieke appele te koup. Appele die nog nwoàts in Europa zeen verkoch. Zie weure geteeld in Noorwegen vlak bie de bekinde fjorden. ‘t Geit um snjé appele. ‘t Zeen witte appele van óngevjér 30 gram. Ze höbbe ‘nne apaarte sjmaak dae met geine eine andere appel te vergelieke is. Eric heit de appele oet Noorwegen laote euvervlege. De snjé appele weure tege kospries verkoch. Ze koste eine euro per sjtök. Toetie zaet dat heer d’r niks aan verdeend en dat ‘t geit um ‘n ludieke actie. Geer mot ze volges Eric gepreuf höbbe. De appele höbbe ein naodeil. Es ze einmaol oet de ieskas zeen dan zeen ze mér beperk houdbaar….. Van ózze razande ripporter Bèrke wunsj uch allemaol ‘nne feine Vastelaovend !
22 Online Touch Home