Haverbode 2015averbode 2023 23 23 Agneskerk verleije en toekoms vreuger waor d’r gein vraog of ze mét wouws nao de kerk, in dien beste pak gingste met de mam en pap mét nao de kerk Bie de akoliete ( mésdeeners ) zaoge veer wie grwoàt de kérk waor, zeker sjpannend de jérsjte kjér ,ouch es ste de jérsjte lezing móste veurleze. Ouch heit Theo Janssen de keersj sjtal -beeldde opgeknap, nog eeder joar weure dizze opgezat, en eeder joar vraoge veer ós aaf wie lang v’r dat nog maoge doon Méh ouch de Bishop en zien vrun, höbbe ingesjtump met ‘t plan, en met de verkoup van ut hwoàg deil van de Agneskerk aan stichting MFC. Beteikent dus dat d’r straks tjwé eigenere ónder ein daak kómme, méh ouch dat geit lukke. De Mariakepel weurt umgeboewd tot kerk, die is ouch beter te verwerme en kint de gaasketel van 35 joar auwd met pensioen ( is ouch good veur de gaasrekening van de parochie ) In 1960 is de kerk geopend, de jérsjte sjöp is in 1059 de grónd in gegange. Bie väöl luuj van Bung hauw de kerk unne speciale beteikenis Nao verloup van tied is dit verandert en is de gank nao de kerk zwoàväöl minder gewore dat noe de mes gedoon weurt in de Credozaal Wie de Hermenie Sint Agnes van Bung in 2019 100 joar besjtóng, waore zie op zeuk nao lokasies veur hun konserte, 4 stuks zouwe dat d’r were, meh in Bung waor geine zaal te vinge ( behalve nao väöl sjleipwerk, in de hal van Dolmans ). De organisatie vóng dat bes waal errig en zeen oetgeweeke nao Vallekeberg ( Polfermeule), Mestreech (MECC) en Meersje ( sporthal ) Bie Pesjtwoàr Roebroek móste veer ós han laote zeen, en es de negel zwarte ran hauwwe, móste veer nao hoes. ( en lég dat mér ins oet aan de mam ) Bie t lof ( middagdeens ) op zóndig, höbbe v’r knuip gelag in de singels ( touwe um ‘t middel van de akoliet um de albe = kleit van de akoliet, umhwoàg te hauwwe). Méh aan ‘t eind van ‘t lof waore de knuip der weer oet, andersj kraoge veer d’r euver van pesjtwoàr. Dit gegeve waor de aanzet veur jérsjte gesprekke tösje de hermenie, ‘t kerkbestuur en de gemeinte um de Agneskerk eventueel um te boewe nao ein multifunctioneel centrum, woà neet allein de hermenie in kós sjpele en oefene, meh ouch andere vereiniginge die, nao ‘t slete van de Auw Kerk, ein ander plek móste zeuke. De carnevalsvereiniging is ein van dees vereiniginge, de Auw Kerk waor al langer väöl te klein voor de planne van CV de Havermennekes, in ‘t MFC kinne zie straks grwoàt oetpakke. Ein haalbaarheids ónderzeuk gaof aan dat dit zeker gerealiseerd kós were, de Gemeinteraod hauw der zelfs 6 ton veur euver ( méh waar mos de nuuje plek dan oet ‘t accommodatiebeleid gehaold were, dat sjeilde de gemeinte weer aan jaorlikse koste ) In de jaorelange historie waor zelfs de ganse Gemeinteraod ‘t unne kjér met mekaar eins, ein unicum, eederein waor d’r veur um dit plan te sjteune, top ;-) Mé toen kaom corona….. en laog alles op zien vot, ouch de planne voor d’n umboew van de Agneskerk Väöl aandach waor d’r veur de aankleijing van de kerk, zwoà heit Theo Janssen ut lètste aovendmaol met Sjezus in Tin gegote veur op ‘t tabernakel Medio 2021 woorte de planne weer opgepak, ouch waor d’r ein nuuj gemeintebesjtuur woàmèt beter te sjpreke waor, der woord weer toekomst gezeen in t plan. Op 15 september 2021 woort de stichting MFC opgerich bie notaris Achtenvangent en koste ze de planne wiejer oetwèrkke, same met de gemeinte en ‘t kerkbesjtuur ‘t Heit get (wie)water door de maas gekos um ouch ‘t Bisdom te euvertuuge dat dit plan beter waor veur de kerk in Bung umtot ’t kerk bezeuk hjél väöl trök geloupe is. Es geer mjér wil weite, kiek dan ins op de site van de stichting: www.mfcbunde.nl Jan Janssen sikkretaris van stichting MFC Bunde Impressie van wie ‘t nuuje kerk deil d’r oet geit zeen, de glaas-in-kunststof ramen van Daan Wildschut aan de kerkhof kant, weure verplaats neve de scheidingswand mét de grwoàtte zaal mét leech d’rachter. Nuuj verwerming d’rin en aon de geng De koste zeen sinds den oorloog in Oekraïne de pan oet gereze en neet alles kin mjé gerealiseerd weure, dat höbbe ze al met de nuuje wethouder ( de derde in dit projek !!) besjproke. De gemeinte is good bezig en sjteit ope veur de initiatieve van de stichting. Ouch heit de provincie op ‘n ei gezete en de nuuj planne oetgebreujt veur de provinciale subsidie, woà vreuger ein “beeldbepalend geboew” good genóg waor, mot ‘t noe ‘n ”monumint” zeen, wie creatief kinne ze zeen. De stichting geit ouch dit trajekt in gang zette veur ‘n gemeintelik monumint, anders vilt ‘t plan in duige, en dát laote v’r neet gebäöre. Rónd de jaorwisseling van 22-23 geit de stichting MFC zich bedinke wie dit plan wiejer van de grónd te kriege, en same met ut kerk besjtuur en de gemeinte gaon ze de strijd aan, ze laote zich de kjés neet van ut brwoàd ete. Ut oorspronkelik plan om ut keersjkonsèr van de hermenie in december 2023 in de nuuje zaal te hauwwe…. tjeh, get wunsje is good, meh of dit geit lukke, v’r goon ‘t zeen, sjpannend, méh opgeve, nwoàts!
24 Online Touch Home