5

Haverbode 2015averbode 2023 5 5 Wäördsje van ózze Interim Veurzitter/Nestor! Leef carnevals vrun en lezers van de Haverbode, Ich bin zwoàwaal binne es boete de carnevalsvereiniging ummer bezig. Soms mèt get gelök méh soms ouch mèt ‘n bitsje pech. Dingk aan veurig jaor bie mien eige bedrief. Väöl en hél wèrke, Corona gehad en de nao weeë van ‘t hwoàg water. Netuurlik kin ich ‘t neet nao laote um op de óntsjtange situatie in te goon. Wat ‘n joar! Wat is d’r gebäörd? Wat gaon v’r doon? En wat kinne v’r? Netuurlik vertèlle de “auwd” prins en de nuuje prins dao ‘t ein en ander euver. Ich waor zelf zjus van plan um de focus binne ’t besjtuur van de carnevalsvereiniging te goon aaf boewe. D’r hauwwe zich namelik ‘n paar ander externe oetdaginge opgedronge die väöl van miene tied zouwe goon vraoge. Zelf ving ich dat veer binne t besjtuur ’n geweldig team zeen. Daorum hauw ich al aangegeve dat ich ‘t besjtuur los zouw goon laote. Méh dan kump d’r op 13 november bie ‘t prinsoetrope ‘nne gooje bekinde oet d’n hood. Prins Alexander de jérsjte. Dees spesjaal situatie vraog ouch weer um ‘n spesjaal behandeling. Nwoàts jérder is ‘nne Veurzitter tot Prins oetgerope binne cv de Havermennekes. Netuurlik waor ich erg verras, méh al jaore roop ich zjus wie de res van ‘t besjtuur dat v’r binne de vereiniging geweldige kandidaat prinse höbbe. Wat de Veurzitter betref, nao kort euverlègk waor ‘t sjnel dudelik dat veer alles in ‘t wèrk zouwe goon sjtèlle um ouch dit prinsepaar maximaal te goon laote genete van hun periode. Daorum höbbe veer Alexander tiedellik zien Veurzitter functie ontnómme en oet vriewaal alle commissies óntsjlage veur de heersende periode. Dit brach waal mèt zich mèt dat d’r ‘veur d’n kómmende tied ‘nne (tiedelikke) vervénger nwjéddig waor. De res van ‘t besjtuur heit zien take al redelijk ingevöld en geine kós dees functie d’r bie goon doon. Dus moch ich de take van dees functie weer goon woàr numme. Netuurlik gaon ich mich dees periode maximaal inzètte um alles zwoà väöl mäögelik op rölkes te laote loupe. Umdat de aafgeloupe periode Stefan en Chantal 3 jaor aan ‘t lijnsje zin gehouwe en mèt ‘t ouch op de kómmende periode van onzekerheid betreffende de accommodatie, sjtoon veer veur ‘n paar hjél sjpannende oetdaginge. En neet te vergete ós zustervereiniginge De Auwd Prinse Garde woà besjtuur technisch ‘t ein en ander sjteit te gebäöre. Méh jérsj goon veer mèt de middele en luuj die veer ter besjikking höbbe veur zwoàwaal de Haverzekskes es de Havermennekes en os zustervereiniginge alles in ‘t wèrk sjtèlle um d’r ‘in Bung weer ‘n fantastisch Vastelaovend sezoen van te make. Ineterim Veurzitter /Nestor CV de Havermennekes René van de Rameeker En netuurlik höbbe veer häöm oet alle app/ gruupkes gemieterd. Trökblik 15 jaor Havermenneke Bert Medio 2007 woort ich benaderd mèt de vraog of ich lid wouw were van de raod van èllef van cv de Havermennekes. Nao get bedingktied en euverlègk met ‘t thoesfrónt höb ich volmondig jao gezag. Mien jérsjte prinsepaar waore Eric1 en Claudia Jongen. ‘t Waor veur mich es nuuj raodslid ‘n ganse gewaarwording. Nao afloop van ‘t seizoen besjlote ‘n aantal raodslede um, wie men dat zwoà sjwoàn zaet, veur hun moverende rei-je te sjtoppe. D’r waor óneindigheid en ‘t leek onoplosbaar. De vereniging kaom in ‘n soort van crisis terech en d’r bleve neet al te väöl raodslede euver. Ouch ‘t bestuur veel oet ein en d’r waor zelfs geine Veurzitter mjé. ‘t Veurt besjtoon van de vereniging sjtong op ‘t sjpeel. Wie noe wier waor de vraog? De euver gebleve raodslede zin um de tafel goon zitte mèt in de achterkop dat ‘t viere van Vastelaovend in Bung ‘t allerbelangriekste waor. D’r woort besjlote door te goon en nao ‘t make van gooj aafsjpraoke woort ‘n nuut besjtuur geformeerd. Ich kreeg de vraog um Veurzitter te were en die hésj höb ich toen opgepak. ‘t Waor ‘n lestige periode woà in allerlei verhaole euver de vereiniging de runde dege. V’r höbbe os dao toen niks vaan aangetrokke en zeen in ‘t belang van de Vastelaovend in Bung ôzze eige weeg gegange. Persoonlijk bin ich toen bie hjél get luuj op bezeuk gewaes met de vraog of zie of hunne zoon toe wouwe/ mochte treije tot de raod van èllef. Sommige auwersj höb ich motte belaove good op hunne zoon van sjus nog gein 18 jaor te lètte . Oeteindelik is ‘t gelök um ‘nne nuuj raod van èllef same te sjtèlle. Mèt precies èllef man waor ‘t krap mé veer kostte aan de gang. D’r kaome nu Sjtatute en ‘n nuut Hoeshouwelik Regelemint. Ouch woorte zake vas gelag in protocolle en kaom d’r zelfs ‘n soort contract veur ‘t prinsepaar. Op dees meneer waor ‘t veur eederein dudelik wat d’r van häöm of häör verwacht woort. ‘n Ander euvel dat väöl sjtof haet doon opweijje waor ‘t verdwijne van de meziekinstallatie van de Havermennekes. Oeteindelik is dit toch good aafgeloupe. In de loup der jaore ging ‘t steeds beter mèt de vereniging. Dat resulteerde onder andere in good georganiseerde en drök bezochte aktiviteite en ouch de belangstelling um lid van de vereiniging te were naom bewhjérlik toe. Ouch ‘t vinge van ‘n nuut prinsepaar woort gemekkelikker. Veer höbbe es Prinsekemissie, woà ich ouch deil van oetmaakde, waal ins ‘nne prins mèt gemaak dae ondanks zien toezegging zich op ins toch weer trök trok. En dan koste veer weer op nuuij beginne. In de loup der jaore naom ouch ‘t aantal raodslede bewhjérlik toe tot mer leefs 19 persone. Met hölp van sjponsore kostte d’r zelfs nuuj pakke weure aangesjaf. Same met De Auw Prinse, ‘t Eregilde van de Zakoplaotersj en De Haverzekskes woort d’r zelfs ‘n carnevalskunswèrk gerealiseerd. D’n “Haverzak” haet ‘n prominente plaats op ‘t St. Agnesplein gekrege. Ouch ónderginge sommige aktiviteite ‘n metamorfose. D’r kaom ‘n dames en ’n hjérre café. Bie de Sjleuteleuverdrach kaome oetveuringe van ‘t Bungerhof en naoderhand schitterende filmpkes euver de nuuje prins. Bie Bert en Paula blief de Havermennekes vlag ummer in de top! Tösjedoor woorte door ondergeteikende nog get leedsjes gesjreve die same mèt ózze meziek deskundige Johan Slangen in ziene studio woorte opgenómme. Os eige herremenie haet zelfs “De loch in met die hennekes” in hun repertoire opgenómme. ‘t Nummer ‘Mien Bung” is inmiddels al mjér es 3500 kjér bekeke en geluusterd op YouTube. Dit ouch dankzij ‘t geweldig gemaakte filmpke/clip door Nicole Slangen. Bie huwelikszjubileum en zelfs bie oetvaartdeenste is dit nummer dèks te whjérre. Ouch ‘t Zaelke haet d’n teks op gevraog zwoà dat ‘t nummer dao gezónge kint were. De Havermennekes krege steeds mjér oetnwjéddiging van ander zustervereiniginge en steeds mjér vereiniginge wiste de weeg nao Bung te vinge um os aktiviteite te bezeuke. De raodslede vónge ‘t weer geweldig ‘n Havermenneke te zeen en de sjteek van de vereiniging woort weer met trots gedrage. Veur mich waor ‘t ‘nne geweldige tied woà ich met volle teuge van höb genote. Vieftjèn jaor bin ich lid gewaes van de raod en van die vieftjèn jaor waor ich twelf jaor Veurzitter. In al die jaore höb ich väöl nuuj en leuke kontakte gekrege en is d’r same väöl bereik. Waor d’r dan nwoàts get? Jewaal, eine kjér is d’r ‘n veurval gewaes woà uch neet blie mèt waor. Mé gelökkig haet de positiviteit binne de vereiniging dit nao d’n achtergrond weite te verdringe. Wat ich geweldig vóng en mich väöl voldoening gaof waor ‘t prizzentere van aktiviteite. Hie höb ich altied mèt volle teuge van genote, woà bie de Senioremiddag en de priesoetreiking van d’ optoch mich ‘t meiste deug deeg. Mé op gegeve momint is dan toch d’n tied aangebroke um aafsjied te numme van de vereiniging. En es gezondheidsperikelen ‘n rol goon sjpele weurt dat proces allein mér versneld. De prinsoetroping (Proclamatie) op 13 november 2022 waor mien lètste aktiviteit. Mèt ingang van dit seizoen zal ich gein lid mjé zeen van de Havermennekes. Daorum vanaaf dees plaats ‘n woord van dank aan ‘t besjtuur, de raod en de Havervruikes. Same höbbe veer väöl sjpas en plezeer gehad en hjél get prachtige herinneringe gemaak. Prins Alexander en prinses Anja wunsj ich ‘n geweldig seizoen toe. Ich weit zeker dat zie ‘t Bungs volk op ‘n waerdige meneer zalle veur goon in de Vastelaovend van Bung. Luuj van Bung, veer zalle ós zeker nog zeen de komende tied. CV de Havermennekes, is zwoà waal organisatorisch es financieel ‘n gezón vereiniging die ich ‘n werm hart toedraag. Ich zal ze dan ouch met grwoàtte belangstelling blieve volge. Tot sjlot sleet ich nog eine kjér op mien eige meneer aaf mèt de wäörd: “Bung, tot weer ins get is”. “De Havermennekes Alaaf!” “Prins Alexander en Prinses Anja Alaaf Bung Alaaf!” “Vastelaovend in Bung, Alaaf!” Bert Ummels Veurmalig Veurzitter en raodslid van CV de Havermennekes Bung

6 Online Touch Home