Haverbode 2015averbode 2023 7 7 Aafsjiedsrede van ós Auwd Prinsepaar Leef luuj, Tjwé joar later es gepland woàr 13 november 2022 dan eindelijk ut momint gekomme. Nao drie joar mochte veer de scepter euverdrage. Wat höbbe veer same met uch unne geweldige tied maoge beleve. Dat woàr get wie un achbaan. 2019/2020 woàr unne geweldige carnaval. Vanaaf ós oetroping op 24 november 2019 tot ut aaflaote van de Haverzak op 25 februari 2020. Wat un sjieke aktiviteite woorte weer georganiseerd; unne geweldige BBB, seniorezitting en neet te vergete os receptie. Wie sjwoàn woàr ut um de luuj die ut effe nwjéddig höbbe te bezeuke en ouch de luuj die get te viere höbbe. Wie grwjétsj kins ste es prinsepaar zeen es ste un eige carnevalsleedsje krieg aangeboje door dien vrun en femilie… Dun optoch woàr zonder twiefel de krwoàn op de Carneval! Tijdens de carneval hub ich tege de Havermennekes gezag; dit is zwoà sjiek dat ich de kómmende jaore neet aaftreij. Dat woort gezag met unne gekke sjlaag, neet weitende dat dit werkelijkheid zou weure. Inins woort de waereld euver valle door un fenomeen dat van te veure niks mjér woàr es ein Mexicaans beermerk. Unne bizarre tied braok aan. Quarantaine, inentinge, kranke luuj, vertwiefeling, onzekerheid, num ‘t mer op. Maar oug saamhorigheid, nuuj ideeje, nuuj vörme van ónderneumersjap. In dizze tied höbbe veer os prins sjap maoge veurt zette en höbbe veer same met de Havermennekes der alles aan geunne groep vrijwilligers bie ein gwoàjjde um dit in sjtand te hauwwe. SUPER!!! Un grwoàt woort van dank aan de jeug commissie! Noe is ós regeerperiode veurbie en kieke veer trök op unne geweldige tied woà in veer constant zeen biegesjtange door miene sirremoniemeister Bart en zien vrouw Carin. Un speciaal woort van dank aan die tjwé toppers. Veer wunsje Prins Alexander I en zien prinses Anja unne sjwoànne tied es prinsepaar van Bung en hope en vertroewe d’r op dat geer hun zwoàväöl sjpas, bliedsjap en energie gaef es wie veer van uch höbbe maoge óntvange. Es lètste maar zeker neet ut mins belangdoon um het Carnevals vuur brandend te hauwwe in Bung en dao boete. Same met bienao alle prinse gardes van Grwoàt Meersje, jonk en auwd, is un sjwoàn leedsje gelanceerd, Dei Vastelaovend blief besjtoon. SJIEK! Welk prinsepaar heit zich maoge laote vergezelle door 2 geweldige jeug prinsepare met gevolg. Danke Prins Sem en Prins Teun, Prinses Renée en Prinses Julie, en Adjudante Stijn en Myrthe. Geer waort same met uche raod super carnevaliste! Blief dat carnevalsgeveul koestere. Veurig joar mochte veer inins weer Carneval viere. Ongeluiflik geweldig wie sjpontaan der allerlei aktiviteite door de Bungse carnavalsvierders woorte opgezat zwoà wie ut Clownetrekke en weer unne geweldige optoch!!! DAT IS CARNEVAL!!! De jeugcarneval kaom ouch onder de vlag van de Havermennekes. Geweldig um te zeen dat zich direk riekste un grwoàt woort van DANK aan uch allemaol: Carnavalsvierders, de Havermennekes en Havervruikes, Auwd Prinse Garde, Zakoplaotersj, Knauweleire, de kasteleins, de ónderneumers, de vereiniginge, de optoch luipers, de zate en de nuchtere herremenie… kortum, eederein dei Bung en de Bungse carneval un werm hart toedreug. ALAAF! Auwd Prins Stefan I & Auwd Prinses Chantal Interim Veurzitter Noe de Veurzitter van CV de Havermennekes prins is gewore waor d’r ‘n probleem. Want Veurzitter en Prins zeen dat kint neet tegeliekertied. ‘nne Hwoàglustigheid mot mèt zien Prinses kinne genete van alles wat häöm in ‘n seizoen op zien pad kump. Nao intern euverlègk naom ‘t besjtuur ‘t besjluut René van de Rameker interim Veurzitter te make. Méh veer höbbe gewhjérd dat dit neet van d’n eine op andere daag ging. Gezeen de jaore lange ervaringe mèt René moot heer ‘n contract teikene zwoà es v’r oet onbetroewbare bron höbbe vernómme. Zwoà mos heer belaove dat: -heer neet mjé te pas en te onpas ‘t Limburgs Volleksleed geit zinge; -heer mot probere ‘t gans seizoen nuchter te blieve; -heer nwoàts mjé zien rwoàj ónder brook maog laote zeen; -es heer midde in de nach thoes kump neet mjé op de sjlaop kamer maog zinge; “hie bin ich dan, hie is diene man, ‘n bitsje zaat mé dat maak neet oet..” enz; -heer gein Keersjboum mjé midde op de weeg maog zette; -heer gein attribuute mjé maog ljènne bie de frituur um die bie Paul Vries veur de deur te zètte; -heer ziene sjteek neet mjé dweersj op zien kop maog zètte; -heer ziene sjteek neet mjé aan andere maog geve of um ruile veur ‘n ander hoofdèksel; -heer altied witte hèisje mot drage. Ondanks get tegesjtribbele haet Rene toch zien handteikening /kruuske onder de euverein kóms gezat….Benuut of heer alles nao kump. Wat dingk geer? Van ózze reporter ter plékke
8 Online Touch Home