HAVERBODE 2015AVERBODE 2025 5 5 Wäördsje van ózze Veurzitt er Geachte lezer van de Haverbode, Es geer dit lees zeen veer al volop op weeg en höbbe de jérsjte aktiviteite van ’t seizoen 2024-2025 al plaats gevónge. Op 24 November 2024 höbbe veer, vergezeld door de lètste herfst wermte, aafsjied genómme van Prins Jean-Pierre 1e en Prinses Carmen en os nuut Prinsenpaar veur seizoen 2024-2025 oetgerope. ’t Prinsenpaar dat ós dit sezoen zal veurgaon is Prins Tim 1e en Prinses Dimphy, wier op in dees edisie van de Haverbode zalle zie zich aan ach veursjtèlle. ‘T waor dit seizoen de grwoàtte vraog of en in welke vörm Carnaval in Bung gevierd kos were. Ich zal uch mètnumme in de väöl onzekerhede en de te numme hobbels woà veer vanaaf mjért 2024 mèt te make höbbe gehad um ‘n volwaardig programma te kinne realisere. Door de verkoup van de Auw Kerk, ’t wegvalle van Café de Haverput, ’t slete van Café de Vos en de onzekerheid of de nuuj gemeinsjaps lokasie MFC tijdig gerealiseerd zou were, kaom d’r ’n grwoàtte sjaduw te ligke euver ’t oetdrage van de Carnaval. Veer zin direk in april gestart mèt ‘t zeuke nao ’n oplossing veur ’t hoesvestigingsprobleem, dat väöl vereiniginge trof bie ’t wegvalle van versjillende de lokasies in Bung. Dit höbbe alle ‘dakloze’ gedoon door kóntak te zeuke mèt de gemeinte. Dit waor gein gemekkelik proces.. Versjillende vereiniginge hauwen al ’n vervangende ruimte gevónge boete Bung, um de periode tot realisatie van ‘t MFC te euverbrögge. Echter veur de Hermenie en de Carnevals vereiniging is verplaatse oet Bung gein optie. Nao versjillende óndernummersj benaderd te höbbe veur ’t gebruuk van hun loods / lokasie veur de aktiviteite tiedens ’t carnevalsseizoen en ’t eventuele gebruuk van gymzaal de Koprol onder de loep te numme, woorte veer begin november toch een bitteke hoopvol omtrent de invölling van os aktiviteite. Door de belangeloze inbring van Stichting MFC en Autoservice Meerssen is ‘t os toch gelök um weer tot ’n volwaerdig programma te kómme en um carnaval weer bereikbaar te make veur eeder doelgroep. ‘T zal dit jaor ‘t Is ’n grwoàtte oetdaging gewaes um tot hie te kómme. Bie ’t óntbreke van ’n gefaciliteerde gemeinsjaps lokasie zal ’t organizere van de Carnaval in Bung ‘n steeds grwoàttere oetdaging were. Veer es Havermennekes zalle echter alles in ’t werk sjtèlle um dit seizoen weer ’n gefundeerde basis te lègke woà in de jeug, volwassene en seniore weer kinne genete van de sjwoàn mominte die carnaval mèt zich mèt brink. Veer zeen d’r nao oet um dit same mèt uch aanwezigheid vörm te maoge geve, hope op begrip en zien oet nao uch biedrage in welke vörm dan ouch. Veurzitter Alexander Hanssen gein ideale setting zin um de activiteiten te organizere, mét veer kinne dit seizoen euverbrögge. Um oeteindelik te kómme tot ’n waerdige evenemente lokasie zal er ’nne hjélleboel dene te gebäöre en zalle veer dit jaor erg leune op de inzat van eederein um ós te helpe mèt de opboew en ‘t bemanne van Horeca en ondersteuning op ander vlakke. De inrichting qua Horeca is ein van de benwjéddigde zake en hieveur wil ich ’n spesjaal woord van dank oet sjpreke aan Bunderbraü die hie in mèt dingk en ós met raod en daad bie sjteit.
6 Online Touch Home