It earste húske fan Jan en Lies Bijlsma neist it kafee. Doe ´t de ambachtsskoalle op syn ein rûn, moast Bijlsma nei de baas en kaam te lâne by Bearda yn Ljouwert as meubelmakker. Nei de krisistiid yn ´29, doe ´t hy ,,soldateboartsje moast, koe hy net wer werom komme by de âlde baas. Hy hat doe in skofke yn Bakkefean op de Folkshegeskoalle sitten, dat koe op kosten fan de gemeente, en in skofke by Tinga yn Winsum, mar dat wie syn leven net. Yn 1936 waard Bijlsma frege oft hy molkboer wurde woe. Dit gong doe mei de bakfiets, de spullen waarden op helle fan it fabriek yn Weidum, dy ‘t hy dan fuort útsutele, by de boeren oan de Hegedyk, wêrnei ‘t hy troch gong nei Mantgum, en letter ek Jorwert. Ik waard hy noch meteropnimmer fan it electrysk yn Easterwierum, Weidum, Jorwert, Mantgum, Schillaard, Jeth, de Him, Hilaard, Jellum, Bears. Doetiids moasten je der iens yn de twa moanne bylâns. Je kinne je foarstelle dat hy fan ôf dy tyd aardich op ´e hichte is fan it barren yn ús omjouwing. Yn 1938 is Jan Bijlsma troud mei Lys en se wennen yn it lytse hûske neist it café, dit binne de W.C.’s fan it café. Se krije trije bern, twa jonges en in famke. Letter hat Bijlsma it hûs bouwe litten, der ‘t er no noch wennet. Fan ôf dat momint is der ek in winkel by, in toanbank en fansels de kruidenierswaren en molkeproducten op é skappen. Frou Bijlsma die de winkel en op sneons wie it soms sa drok dat it waarm iten der suver by yn skeat. Yn 1974 is Bijlsma stoppe mei de saak, hy sutele doe al net mear mei de bak Mantgum 2014 fertelsels troch Jan Bijlsma 7
8 Online Touch Home