De Lytse Doarpen Rintocht: de alternative rûte In jier wenje se hjir no yn Mantgum – en it foldocht prima! En dat foar immen dy’t har hiele libben yn Easterein en Wommels wenne hat. Se stie yn Easterein achter de bar yn de fuotbalkantine, mocht graach hurdrinne en hie in drokke baan by de GGZ. Efkes foarstelle: Hilda van der Meulen. En har man Peter Wakker. Dy’t de earste 11 jier fan syn libben yn It Hearrefean wenne, doe sa’n 26 jier Liwwarder west hat en doe noch sa’n 28 jier in Wommelser wie. Peter hat altyd op de tekenkeamer wurke en genietet no yn syn frije tiid fan syn hobby’s. Derneist is hy mantelsoarger foar Hilda en (bonus)heit foar de froulju. De beide dochters Esther (22) en Hendrika (17) binne opgroeid yn de Súdwesthoeke en moasten tige wenne oan wèr in ferhuzing. Esther folget in oplieding by de NHL Stenden (Social Work) en Hendrika folget de oplieding by it Firda (IT en Media). Beide wurkje se der ek noch by. Yn de frije tiid gean se graach op stap, binne se kreatyf dwaande en meie se graach toere yn ‘e auto of yn Hendrika har gefal: op de brommer. Beide fruolju wenje sawol by har mem as heit en reizigje fan de ien nei de oare. Sûnt ferline jier is harren adres yn Mantgum: De Wide Hoeke nûmer 3 – in hûs dat hielendal gelykfliers is. En dat hat syn redenen: sûnt in jier as 15 wit Hilda dat se yndie deselde spiersykte hat as har mem: FSHD. Hoe neamst dy sykte? Ik hie der noch nea fan heard. “Dat kin wol klopje”, seit Hilda, “der binne wol 600 ferskillende spiersykten.” By de erflike spiersykte FSHD wurdst beheind troch de oantaasting fan de spieren, in oantaasting dy’t feroarsake wurdt troch in aaiwyt dat út ús chromosoom 4 frijkomt, it DUX 4. De ôfrûne jierren wurdt der troch it team yn Leiden (yn gearwurking mei it Radboud-sikehûs → Mandeguod april 2025 | 33
34 Online Touch Home