De 74-ste Lytse PC – Frije formaasje hearen It partoer fan Marten Bergsma, Hessel Postma en Laas Pieter van Straten hat de 74e edysje fan de Lytse PC op syn namme skreaun. Mei 15 partoer op ‘e list is de opjefte al jierren stabyl. Dit jier die ûnder oare de winner fan de Freule (Jurre Reitsma) mei, in jong talint. Mar ek ús doarpsgenoat Gjalt Sjirk de Groot koe wer op eigen fjild keatse. En net te ferjitten opslagger Marten Bergsma, oars keatsend op ’e hoofdklasse, keatste fanwegen de ranking op de earste klasse yn Mantgum. De partoeren dy’t der wienen hawwe der in moaie striid fan makke. Earste omloop It falt ús wedstriidlieder op, der binne in protte partoeren dy’t yn in oare partoeropstelling keatse as op de wedstriidlist en lotte by de KNKB. Sa kin it wêze dat Daniel Isiger, dochs in geweldner en ikoan, yn de earste omloop ek meikeatst yn it partoer fan Jelle Attema. Yn de earste omloop net folle spannende partijen. Fiif fan de yn totaal sân partijen einigje yn dikke oerwinningen, de winner giet betreklik maklik troch nei de twadde omloop. De moaiste partij fan de earste omloop is dy tusken twa jonge partoeren. It partoer van Harmen Zuidema, Otte Algra en Jelmer Foppe Drijfhout keatst tsjin Jurre Reitsma, Rindert Zijlstra en Jelke Sterkenburg. Je sjogge dat it de jonges noch oan krêft ûntbrekt om mei te kommen mei de betûfte âldere keatsers, fysyk is der ferskil mar oan technyk en bravoer ûntbrekt it net. Nei spannende earsten en in lange partij lûkt it partoer fan Jurre Reitsma en dy oan it langste ein en wint mei 3-5 2-6. Twadde omloop Yn de twadde omloop giet it hurd. It partoer mei de freule winner giet binnen no-time mei in 5-0 ferlies fan it fjild. Ek de twadde partij is út op 2-5 2-6. Mantgumer Gjalt Sjirk de Groot is yn ‘e earste omloop al útskeakele. Mar gelok by in ûngelok: hy wurdt wer bylotte yn it partoer fan Corné Tuinenga, yn ‘e earste omloop noch de útblinkende opslagger dy’t him derôf sloech. Sa kin it ferkeare dat Gjalt dochs noch op it fjild ferskine mei om te keatsen om de prizen. Al hielendal as sy de twadde omloop nei goed keatsen winne mei 5-2 6-6 en as heale finalist trochgean. 42 | Mandeguod oktober 2024
43 Online Touch Home