Doar heb ik jullie vurbilden genoeg van verteld. Op de dag, dat wij thuus mit 5-2 van Meterik vur de boks kregen, het Kaat den ganse aovund zitte te knooje ovver den knoej in heur kneej. Ik was bang dat het wer rats mis ging. Ik docht de dokter wer an te roepen, mer toen we van Arcen en ‘n week latter ok nog van het sterke T.O.P. wonnen, now, toen word er ovver spierpien of opgelopen kneeje nie mer gepraot. De invloed van de voetbalsport op de zenuwe en de spieren van de vrouw is now toch wel duidelijk vastgesteld. Kaat is daor en lêvend bewies van. Zondag vur en waek was de spanning bij oons wer mit de klömp te vuulen. Zaoterdaags minde Kaat wer wat in heur kneej te bespeure; ze zaat er ovver te vrieve en zo wist het ok nie. Ik haj ok al gekeken mer ik kon an den buutenkaant ok niks zien. Mer ‘saovends hadde motte zien nao die 2-0 tegen Excelsior, ze sprong as en hert dur het huus um van die buitelingen nao de overwinning taege Achates mer nie te spreke…. Teggen de buurlui riep ze, dat ze mit dit zaacht weer wel kon gaon wandelen. Now, dat duut en vrouw mit gezwolle kneeje toch niet, wat minde gillie. Jao, jongens de gezondheid van Kaat lit gewoon in jullie handen. Dat wet oonze huusdokter now ok. Dat is wel het leste blije bericht van 1970. Now Montagnards zo mooi an kop lit en now Kaat zich zu kiplekker vuult, now heb ik grote behoefte um de speulers te daanke vur hun inzet en goei spel, dat ze dit seizoen hebben laoten zien. Dat mikt wer alles goed in 1970 en dat gift vertrouwen vur 1971. "EN GOED UUTEINDE EN EEN SUCCESVOL BEGIN VUR ALLE SPEULERS VAN MONTAGNARDS I, II EN III IS DE WELGMEENDE WINS VAN KAAT EN THEIKE" 15
18 Online Touch Home