2

2 2 HAVERBODE 2015AVERBODE 2021 Ere Gilde van de ZakOplaotersj Begin d’r maar aan … een sjtökske sjrieve veur de corona edisie van de Haverbode, terwiel ste jèllemaol gein carnevalsgeveul höbs … mèh …. ich gaon un poging wage: Un sjpesjaal stökske veur un sjpesjaal karnevalsgezèt in dizze sjpesjale tied. Nao weer unne jèlle leuke karneval in mjèrt van ut jaor 2020 (veur alle ins en outs môt geer helaas wachte tot de vollegende edisie), braok d’r peniek oet in de weireld: unne pandemie sjtaok de kop op en doezende en doezende luu woorte besjmet mèt ut COVID-19 virus, oftewaal Corona!!! Terwiel veer es ZakOplaotersj de karneval en de daobie bewjèrrende aktiviteite wauwe goon evalueere (mèt un A hè redaksie, neet per ongeluk evolueere drökke), haw premier Rutte geadvizeerd um oonderhauve meiter biejein vandaan te blieve. Tjongejonge, oonderhauve meiter ………… dat kinne veer gaaroets neet, zwawiet oeterein blieve, dus ging al dat gemoel achteraaf neet door. Dat kump binnekort waal weer, dachte veer nog in ozze ‘karnevalèske onnwazzelheid’ want dat binnekort is noe al 9 maond geleeje. En in die 9 maond höbbe veer es ZakOplaotersj allein kentak gehad via ozze groepsepp, wah zwa noe en dan gèt leuke en grappige onzin fi llempkes veurbie kome. D’r zeen gegarandeerd jèl väöl jong luuj die de aafgeloupe, dizze of de komende maond gèt jèl sjwans höbbe gekrege of nog goon kriege, mèh die zeen gein 1,5 m. oeterein gebleeve, dat weit ich zeker Aan de ZakOplaotersj zal ut neet ligke, veer zin d’r klaor veur, mèt of zonder nuuj prinsepaar, mèt of zonder sjleutel(euverdrach), mèt of zonder nuuje ZakOplaoter dei de Haverzak zondigs op ut Sint Agnesplein umhwoàg maog heise en ‘s dinsdigs weer umljèg maog hole: Nuuje vlag Ere Gilde Es ut un bitteke mèt zit, kinne veer mesjiens mèt alle carneval leefh öbbersj toch eine daag un jèlle lange reijeloet door os dörrip make…. dát zauw pas éch gewèldig zeen! Leef luuj, hauwt de hoop d’r in, andersj heit ut leeve geine zin. Veer hope in eeder geval op unne betere tied, want karneval wille veer éch neet kwiet. Vreug of laat maoge veer weer ‘los’ goon, en kinne veer weer os pèkske aandoon. Mèh …. d’r gloort hoop achter de horizon ….. mèt un bitteke gelök kump d’r binnekort un vaksei en kinne veer os nog veur de karneval laote inènte um mèt de karneval weer “jèllemaol” los te goon. Veer verheuge os al d’r op um uch ut vollegend jaor weer te zin! Dus hauwt uch aan de regelkes ….. blief positief ….. HAUW PIN!!! ALAAF - ALAAF - ALAAF Names ut Ere Gilde van de ZakOpLaotersj Bung Anita Schols Secretaris R R R R Flauwe Kwatsj Tjwé luuj oet de raod höbbe zich gevónge, Rene Rameekersj en Rene Reijndersj. Rene en Rene höbbe namelik ‘n samewerrikkingsverband gesjlote. Ut revisiebedrief van de Rameeker aan de Maersjtraot krieg nl neet allein ‘nne nuuje naam en ‘n nuut logo. Nei, ut bedrief weurt gans doorgelich en gedigitaliseert. De Reijnder geit zörge dat de ganse administratie van ‘t bedrief weurt gedigitaliseerd. En de Ramekeer geit euver ut werrik ansich. Heer blief zellef auch gewoon met sjleutele want dat is zien löss en zien leve. De tjwé Rene’s hobbe auh gekoze veur ‘nne nuuje naam, 4R. In Rene Rameekersj en Rene Reijndersj zit namelik veer kjer de letter R zwah legk De Reijnder oet. RRRR leek hun neet zwoà ‘n good idee. Vandao 4R. Wat beteikene die lettersj noe, die 4 erre? Dao is euver nao gedach geuf de Reijnder aan: Reparatie, Renovatie, Reconstuctie en Reproduksie. Dus 4R. En dat höb ich zellef gans zwoà bedach volt de Reijnder aan...... Veur ut volgend jaor sjteit ouch nog ‘n verboewing op ‘t programma. ‘t Pand is namelik neet mjé zwoà van dizzen tied en mot ins good op de sjop genomme weure . Daoneve zal ut personeel op kursus motte goon want auch in de werrikplaats weurt wah maogelik geautomatiseerd en gedigitaliseerd. ‘T weurt allemaol get mjé haaj tech aldus de Reijnder. De Rameeker is blie met alle veurgenomme aksies. Allein dat heer weer mot goon sjtudeere vingk heer get minder. Miene letste kursus waor veur ut vaarbewies en dat is al weer eff ekes gelei-je, adus De Rameeker. CV de Havermennekes wunsj hun raodslede en sponsore Rene en Rene väöl sukses toe. Veer hawte uch op de whjégte! Bèrke de rondreizende reporter • Gek, Niks en Nemes zitte in ein boum. Op ins vilt Nemes oet de boum. Niks zaet;”sjnel, bel eine zieke oto”. Dus Gek belt nao ut ziekehoes; “hoi, ich bin Gek. Ich bel veur Niks want Nemes is oet de boum gevalle”. • Bèrke vreug aan Huub; langs de weeg sjtoon bördsjes met de tekst “Zachte berm”. Woàrum sjtoon d´r nwoàts bördsjes met de tekst “Harde berm”?. Zaet Huub; Die kriege ze neet in de grond. • De jufrouw vreug op sjwoàl; zeve plus zeve, wat kriegs-te dan? Marieke antwoord; hjél fi en zand. • Sjeufke is 14 jaor oud en geit beechte bie pesjtwoàr; “menhjér pesjtwoàr ich höb gezondigd”. “zo, wat höb ste dan gedoon?”. “ich höb Anneke mét nao hoes genome”. “mjér dat is toch gein zung”. “ich deeg häör sjeun en sòkke oet”. “ouch dat is gein zung, miene jong”. “ich deeg häör oonderbreukske oet en häöre BH los”. Tot noe toe is dat nog gein zung”. “toen kaom miene pap binne en betrapte os”. “Nou zaet pesjtwoàr “dat is pas zung”. • Kump eine man bie d´n dokter; “dokter, zeen mosselen gezond?”. Zaet d´n dokter;” ich dingk ‘t waal want ich höb nog nwoàts ein in mien praktijk gezeen”. • Op eine aovend kump Sjra bie Regina nao binne geloupe. “Stefan doch mich ein pilske want ich höb weer ruzie gehad met m´n vrouw“. „och jao?“ zaet Stefan, „wie ging ut deze kjér d´r aan toe?”. Sjra;”nou, wie de ruzie veurbie waor kaom ze op han en veut nao mich toe gekrope”. “oh”, zaet Stefan, “dat is verrassend, en wat zei ze?”. Sjra;” bangesjieter, kom oonder dat bed oet!” • Pierre zit aan d´n toog in de Haverput en besjtèlt zich eine jonge. Eve later kik heer in zien binne tesj en besjtèlt zich nog eine jonge. En es ouch dae op is kik heer weer in zien binne tesj en besjtèlt zich weer eine jonge. Leny is toch waal get nuujsjérrig en vreug;” Pierre, wat höb ste in dien binne tesj?”. Pierre zaet;” dao zit ein foto van mien vrouw. En es die d´r good begint oet te zeen, dan weit ich dat ut tied is um nao hoes te goon” • René kump bie de sjport sjwoàl en vreug aan de instructeur;” mét welk apperaat kin ich de meiste indrök make bie de vrouwluuj?”. De instructeur kik häöm aan en zaet;”Es-te heij nao boete geis, sjteit um de hook eine pinautomaat” • Wis geer dat ózze mede-burger Bert van Marwijk de Nobelpries veur geneeskunde heit gekrege? Bert heit nl binne ein week óngevjér 16 miljoen luuj van de oranjekoorts aafgeholpe. • Loup Harrie euver sjtraot en weurt häöm door eine man gevraog woà ut kerkhof is. Harrie zaet;” op ut Sint Agnesplein”. Vreug de man aan Harrie;”weit geer of dao ouch lesbiennes zeen begrave?”. Harrie;” nou dat weit ich neet. Mer woàrum wilt geer dat eigelik weite?”. “Nou”, zaet de man; “mien vrouw heit mich gevraog um potgrond te hoole” Van ózze reporter ter plékke

3 Online Touch Home