Fruit-corso yn Tiel Fan Nijmegen mei de trein de Betuwe troch nei Tiel. En in berg minsken, die der út de treinen kamen, wy moesten oppasse om by elkoar te bliuwen. Griet wie dizze kear ek mei. En it wie de moaite wurch om alles te sjen en te hearen. It wierne allegear mei fruit forsierde weinen en corpsen yn moaie uniformen. De beide frouljue slaggen om in sitplak te finen en doe ha ik tsjin har sein, ik gean in eindsje de streek op, mar ik kom hjir en jim matte hjir sitten bliuwe, oars fine we elkoar net wer. Ik wie nog gjin honderd meter as ik stie al mei 2 poer fremde manljue en doe wie et al gau, Jo binne foar it weist gjin Gelderlander en doe ik dan sei, dat ik út it Noarden en wol Fryslân kaam, doe libbe de iene suver op. Hoe is it mogelijk, staan we nog geen 2 minuten te praten of ik tref in Fries. En zeg me geen kwaad van de Friezen, want ik ben erin de oorlog een tijd ondergedoken geweest. Oer dy tyd ha we net mear praten, we hierne oarspraat genoch en wer de oare persoan weikaam, wit ik net mear, mar die ûnderdûker wie in Amsterdammer. We hawwe fêst wol 30 minuten stien te praten en wy ha ôffoeske doe elkoar forlieten en elkoar bedanke foar it gesellige praatsje. Griet Kirkenier-Terpstra It wiene allegearre mei fruit fersierde weinen en korpsen yn moaie unifoarmen by it fruitkorso yn Tiel. 76 fertelsels troch Jan Bijlsma Mantgum 2014
77 Online Touch Home